Halyk Bank qoldaýymen HATÝ jáne QBTÝ ýnıversıtetterinde IT mamandaryn daıarlaý boıynsha jańa oqý zerthanalary men oqytý baǵdarlamalary ashyldy.

Klıentterdiń qajettiligi úshin joǵary tehnologıalyq sıfrlyq servısterdi damyta otyryp, Halyk Bank el aýqymynda myqty kadr rezervin qurýǵa múddeli jáne belsendi jumys istep keledi. Ótken jumada Qazaqstan-Brıtan tehnıkalyq ýnıversıtetinde Halyk Academy zerthanasy men kovorkıng aımaǵynyń resmı ashylýy ótti. Bastamany Halyk Bank QBTÝ-men birlesip iske qosty. Oǵan sáıkes JOO bazasynda eldiń iri banki úshin bilikti mamandar daıyndalatyn bolady.

Akademıa bazasynda Microsoft korporasıasynyń "Azure" bultty platformasy arqyly baǵdarlamalaý tilderi men tehnologıalarǵa qol jetkizý múmkindigi beriledi. Bultty zerthana ýnıversıtet oqytýshylary men stýdentterine kez kelgen praktıkalyq sabaqtar men zerthanalyq jumystardy júrgizýge, IT-jobalardy ázirleýge, kýrstar nemese kásiptik oqytý júrgizýge, joǵary tehnologıalyq bultty platformanyń qaýipsiz ortasynda kez kelgen masshtabtaǵy hakatondar men demonstrasıalar ótkizýge jol ashady

Halyk Bank basqarma tóraǵasynyń birinshi orynbasary Anton Mýsın atalmysh bastama uzaqmerzimdi joba ekenin málim etti.

– Fınteh – bul tez ózgeretin tehnologıalar men tehnıkalyq jabdyqtardyń arqasynda únemi jáne qarqyndy damyp kele jatqan bıznes sala. Tıisinshe, jaqsy oqytylǵan, daıyndalǵan, joǵary bilikti kadrlar qajet, olar joǵary oqý oryndaryn bitirip, óndiristik jáne tehnologıalyq proseske ońaı enedi. Halyk Bank bolashaqqa qaraıdy. Sondyqtan Halyk Academy jobasyn belsendi damytyp jatyr. Biz materıaldyq-tehnıkalyq bazany damytýǵa, QBTÝ jáne HATÝ sıaqty joǵary oqý oryndarynyń stýdentterin daıarlaý men bilim berýge qosqan úlesi nátıjesinde aldyńǵy qatarly banktik tehnologıalarmen jumys isteýdiń praktıkalyq daǵdylary bar saýatty mamandar alýǵa múmkindik beretinine senimdimiz. Bul uzaq merzimdi joba, ol bankke de, joǵary oqý oryndaryna da, eń aldymen, óz ıdeıalary men ınovasıalaryn naqty startaptarǵa, al bank ındýstrıasy úshin neǵurlym aýqymdy IT-jobalarǵa iske asyrýǵa biregeı múmkindik alatyn stýdentterge qyzyqty, – dedi ol.

Bolashaqta Halyk Bank QBTÝ oqý baǵdarlamasynyń bir nemese birneshe jobalarynyń birlesken ázirleýshisi bolýdy josparlap otyr. Qazirdiń ózinde oqytý baǵdarlamasyna naryqta suranysqa ıe eń trendtik tehnologıalar men baǵdarlamalaý tilderi engizilgen.

QBTÝ rektory ári basqarma tóraǵasy Kenjebek Ibrashev Halyk Academy bilim men bıznesti biriktirýdiń jaqsy úlgisi ekenin atap ótti.

– Kez kelgen ýnıversıtettiń negizgi mindeti – naryqqa qajetti mamandardy daıyndaý. Joǵary bilimniń mańyzdy baǵytynyń biri – stýdentterdiń ýnıversıtet zerthanalarynda jáne kompanıalardaǵy taǵylymdamalarda alatyn praktıkalyq tájirıbesi. Halyk Academy bilim men bıznesti biriktirýdiń jaqsy úlgisi bolady. Oqý zerthanasy men kovorkıng stýdentterge qajetti praktıkalyq daǵdylardy darytýǵa jáne olardy banktiń tehnologıalyq stekimen tanystyrýǵa arnalǵan. Bul stýdentterge jumys ortasyna tezirek ıntegrasıalanýǵa jáne oqý kezeńinde barlyq qajetti tehnologıalarmen tanysýǵa, sondaı-aq odan ári taǵylymdamadan ótýge jáne jumysqa ornalasýǵa múmkindik beredi. Qazirgi zamanǵy zerthanalar osylaı kórinýi kerek. Halyk Bank-pen biraz ýaqyt buryn paıda bolǵan Halyk Academy qurý ıdeıasy qazir shyndyqqa aınalýda. Kóptegen basqa IT jobalar sıaqty – bul ıdeıa bizdiń tehnıkalyq Alma materdiń dástúrinen bastaý alady. Biz uzaq merzimdi yntymaqtastyq jolynyń basynda turmyz jáne osy Akademıa odan ary damı túsetinine senimdimin, – dedi Kenjebek Ibrashev.

Microsoft korporasıasynyń Qazaqstandaǵy jáne TMD elderindegi bilim berý sektorymen jumys jónindegi basshysy Nurlan Jánibek atalmysh joba arqasynda árbir stýdent pen bank jetistikke jetýge múmkindik alyvp otyrǵanyn jetkizdi.

"Qazaqstandaǵy joǵary bilim berý júıesimen ózara is-qımyldyń basym baǵyty – biz úshin naryqtyń qajettiliginen týyndaǵan barlyq múddeli áriptester arasynda tabysty sınergıany qurý. Jobanyń árbir qatysýshysynyń ındýstrıalyq quzyretterin eskere otyryp, ózara is-qımyldyń osy modeli bank pen naryq úshin ekonomıkanyń sıfrly transformasıasynyń syn-qaterlerine daıyn, suranysqa ıe, básekege qabiletti jáne sertıfıkattalǵan IT-mamandaryn usynady. Halyk Bank, QBTÝ ýnıversıteti jáne Microsoft-tyń birlesken kúsh-jigeriniń arqasynda biz joǵary oqý ornynyń árbir stýdentine jáne bankke kóp jetistikke jetýge kómektesetin biregeı jáne bolashaǵy bar jobany iske qostyq, – dep atap ótti ol.

Aldaǵy ýaqytta joba daryndy jastardy Ortalyq Azıanyń iri qarjy ınstıtýty – Halyk Bank-te taǵylymdamadan ótýmen qamtamasyz etýge múmkindik beredi. Bul úshin Halyk Bank-te birneshe jyldan beri HalykStar taǵylymdama baǵdarlamasy tabysty jumys istep keledi.

Halyk Academy Halyk Bank pen birneshe qazaqstandyq joǵary oqý oryndarynyń (QBTÝ jáne HATÝ) birlesken jobasy beıindik tehnologıalardy damytý perspektıvalaryn eskere otyryp, ońaı jańartylatyn teńdestirilgen ıkemdi jáne mobıldi oqytý baǵdarlamasyn qurýǵa múmkindik beredi. Joba Halyk Bank biliktilik talaptaryna sáıkes keletin kandıdattardyń turaqty legin uıymdastyrýǵa, taǵylymdama baǵdarlamalaryn (onlaın-assesmentter, kandıdattardy baǵalaý úshin testileý) udaıy jetildirýge, banktiń basymdyqtaryna sáıkes bıznes-keısterdi pysyqtaý úshin ýnıversıtetter bazasynda R&D ortalyqtaryn ashý úshin negiz jasaýǵa múmkindik beredi. Ýnıversıtetterdiń oqý baǵdarlamalaryna bank tehnologıalarynyń stekterin engizý, joǵary oqý oryndarynyń oqý baǵdarlamalaryn banktiń basymdyqtaryna beıimdeý, bilim berý men bank ındýstrıasy arasyndaǵy qashyqtyqty aıtarlyqtaı qysqartýdy kózdeıdi.