Ankara. Túrkıa prezıdenti Taıyp Erdoǵan juma kúni túrik áskeriniń 30-dan asa kúrd búlikshilerin talqandaǵanyn málimdedi. Bul týraly «Qamshy» portaly thestar.com-ǵa silteme jasaı otyryp habarlaıdy.
Búgin, Erdoǵan prezıdenttik saraıda aýyl ákimderiniń aldynda baıandama jasady. Biraq oryn alǵan oqıǵanyń maqsaty nede ekenin aıtpaı ketti. Búlikshilerdiń Kúrd jumysshylar partıasynyń (KJP) ókilderi ekeni anyqtaldy. Olar Túrkıanyń ońtústik-shyǵysyndaǵy shildede bolǵan kúrd shabýyly toqtatylǵannan keıin, Iraktyń soltústigindegi taýlarda ornyqqan eken.
«30-dan asa terrorıst óltirildi», - dedi Erdoǵan. Munyń memleket ishi menen syrtyndaǵy qaýipsizdik operasıasynyń jalǵasy ekendigin qosa aıtty. «Qaýipsizdendirýmen qatar, ázirge osy ispetti jaǵdaıattar jalǵasyn tabýy múmkin, biraq bul – olardyń sońǵy kúresi ekenin bilip júrińizder», - dedi ol.
Seısenbi kúni Hakkarı ońtústik-shyǵys provınsıasynda qoldan jasalǵan jarylǵysh quraldan eki qarýly áskerı qyzmetshi óltirilip, úsheýi jaralanǵan. Bul týraly aqparat berilgen aryzda shabýyldyń KJP tarapyna kiná taǵylǵan. Shabýyldan zardap shekken qarýly ásker qyzmetshileri taǵy bir bombany qaýipsizdendirý úshin saperlar tobyna kómekke jiberilgen qosymsha járdem-kúsh bolǵany anyqtalǵan.
Qarýly túrik áskeri búlikshilerge qarsy operasıalardy seısenbi kúni bastaǵan. Batman provınsıasynda jol astynda ornalasqan bombanyń ústimen júrip ótken polısıa kóligi jarylǵan eken. Senimdi aqparat kózderine súıensek, saldarynan bir polısıa qyzmetkeri ólim qushyp, segiz adam jaralanǵan.
Aıta keteıik, 1990 jyly kúsheıe bastaǵan kúrd shabýyldarynan keıin, Erdoǵan qarsy jaqpen bitimgershilik prosesin jasaýǵa bet alǵan bolatyn. Biraq, sońǵy oryn alǵan oqıǵalar eki jaqtyń ortadaǵy beıbitshilik kelisiminiń buzylýyna alyp keldi. Saldarynan júzden asa qaýipsizdik qyzmetkeri jáne júzdegen búlikshiler qatary qaza tapty.
Erdoǵan KJP-ǵa qarsy transshekaralyq operasıalardyń óte nátıjeli júrgizilip jatqanyn atap ótti. Biraq, sózine dálel retinde 2000 búlikshiniń óltirilgenin keltirgennen basqa, naqtyraq aqparat berip, toqtalmady.
Nazgúl Nazar
