Elbasynyń sózi jerde qalmas. Til – ulttyń belgisi, ulttyń jany. Tili joq ult bolmaıdy. Al biz jáı bir ult qana emes, álemde jer kólemi jóninen 9-orynda turatyn memleketke ıe azat ultpyz. Azat ulttyń tili de azat bolýy haq. Elbasymyzdyń BUU-da qazaqsha sóılegeni bárimizdi bir jelpindirip tastady. Bir kún bolsa da eldegi bar qıynshylyqty umytyp kettik. Daǵdarys degen jáıyna qaldy. Dúnıe júzindegi 17 mıllıon qazaq bir sátte Elbasyn tóbesine tik kótergisi keldi. Mine, bul til taǵdyr – ul taǵdyry ekenin kórsetedi. Bizdiń eldegi eń ózekti másele tilimiz ben azattyǵymyzdy saqtaý ekeni anyq. Ár qazaqtyń júregindegi, «janym arymnyń sadaǵasy» degen alashtyń tiliniń endi óshpesine senim uıalatty. Endi elimizdiń tildik saıasatynda oń bet burystar bolatyny anyq! Tilimiz ben azattyǵymyzdy saqtasaq, basqa qalǵan máselelerdiń bári sheshilerine senimimiz kámil. Elbasynyń «Menen keıingi basshylar da osylaı sóıleıdi dep senemin»,- degen sózi jerde qalmas dep oılaımyn.

Turdybek Qurmethan

 «Qamshy» silteıdi