Reseı Ýkraınaǵa kezekti gýmanıtarlyq konvoıyn kirgizdi. Bul týraly «Qamshy» portaly uatoday.tv-ǵa silteme bere otyryp habarlaıdy. Bul konvoılar, negizinen, reseılik qarý-jaraq pen kontrabandany shekaradan ótkizý maqsatynda qoldanylady eken. Máskeýdiń málimdeýinshe, júk kólikteri Ýkraınadaǵy Donbass halqyna kómek jetkizý ústinde. Bul – shekaradan Ýkraına úkimetiniń ruqsatynsyz ótken 32-shi konvoı eken.

Reseılik úkimettiń aıtýynsha, jiberilgen konvoı 1000 tonna gýmanıtarlyq kómek tıelgen (azyq-túlik, dári-dármek jáne t.b.) 100-den asa transporttyq quraldy quraıdy.

Sonymen birge, Ýkraına úkimeti bul konvoılardyń Donesk jáne Lýgansk oblystaryndaǵy jergilikti bılik organdary qolǵa túsirgen reseılik búlikshilerge arnaýly júk tasymaldaıtynyn aıtty.

Reseımen aradaǵy shekaranyń ýkraınalyq bóligindegi 400 shaqyrym jer baqylaýsyz qalǵan eken. Konvoılar Ýkraına aýmaǵyna baqylaýdan ótkizý pýnkti arqyly emes, únemi qarýlanǵan búlikshilerdiń basa-kókteýimen ǵana kiretin kórinedi.

Ýkraına bıliginiń oıynsha, konvoılar joǵaryda atalǵan mindetterden bólek Ýkraınada qaza tapqan orys áskerin, óz erkimen jáne jaldanyp kelgen azamattardyń múrdelerin, sonymen qatar, ýkraındyq ónerkásipten alynǵan qural-jabdyqtardy Reseıge tasymaldaý maqsatynda qoldanylady.

Ýkraındyq ásker gýmanıtarlyq konvoıdy kirgizgenderdiń ýkraındyq pozısıalarǵa shabýyl jasaǵan búlikshiler bolyp shyǵýy múmkin deıdi.

Nazgúl Nazar