Ipoteka tóleýshiler men birneshe qoǵamdyq birlestikter uıymy mıtıń ótkizdi. Elbasynyń tapsyrmasy negizinde qaıta qarjylandyrý jobasyna 130 mıllard aqsha bólingen bolatyn. Qarsylyq bildirip, mıtıńke shyǵýshylar baǵdarlamanyń múldem jumys jasap turmaǵandyǵyn ashyna aıtýda. Bul týraly «Qamshy» portaly  Total.kz saıtyna silteme jasaı otyryp habarlaıdy. Atalmysh baǵdarlamany qaryzdanýshylardyń qoldanýyna múldem múmkindik joq eken. Qarsylyq bildirýshiler petısıa daıyndaǵan:

«QR  Prezıdentiniń maqyldaýymen qaryzdanýshynyń  máselesin qaıta qarjylandyrýǵa arnalǵan baǵdarlamanyń iske qosylǵanyna jarty jyl ótti. Belsendi retinde qaryzdanýshylarǵa memleket tarapynan kómek qajettigin segiz jylda áreń túsindirgen edik. Ulttyq bank tarapynan 12 myńǵa jýyq qaryzdarlar qarjylandyrylaǵan eken. Olar kimder? Biz  olardy Ulttyq bankpen kelisip alǵan dep esepteımiz. Osy basshylardyń «arqasynda» qatardaǵy  uıym músheleri men belsendilerdiń múddesi aıaqqa taptalyp otyr. Qanshama adam bıznesinen, otbasynan, baspanasynan, densaýlyǵynan aıryldy.Osyǵan qaramastan keıbir komısıa músheleri baǵdarlama sátti júzege asyp jatyr dep habarlaýdan uıalamaıdy. Anyǵynda máselesi basynan asyp jatqan qaryzdanýshynyń jaǵdaıyn nege qarastyrmaıdy? Biz senimimizdi joǵalttyq!»,-dep jazylǵan.

Mıtıńige shyqqandar komısıa quramyna qoǵamdyq uıymnyń belsendi múshelerin engizýdi talap etti. Olar turǵyn úılerdi qaıtaryp berip, páterden shyǵaryp jáberýdi toqtatý qajet dep esepteıdi.

Jınalǵandar  Ulttyq banktiń basqarma tóraǵasynyń orynbasary  Aleksandr Terentev shyǵyp jaýap bermese, Sátbaev kóshesin jaýyp tastaıtyndyqtaryn aıtqan. Polısıa tórt belsendini  mıtıń ótip jatqan jerden ustap alyp ketken.

Aınur Tóleý