QR Bilim jáne ǵylym mınıstrligi men «Halyqaralyq baǵdarlamalar ortalyǵy» AQ halyqaralyq «Bolashaq» stıpendıasynyń resmı ákimshisiniń qoldaýymen TMD elderi arasyndaǵy, Ortalyq Azıadaǵy eń úzdik JOO biri ál-Farabı atyndaǵy QazUÝ-da birinishi ret shet tilderin oqytatyn ortalyq(mektep) ashyldy. Bul týraly «Qamshy» portaly habarlaıdy. Ýnıversıtet aǵylshyn tilin úıretý úshin QazUÝ-da bıologıa jáne bıotehnologıa fakúltetinen aýdıtorıalar bóldi.
Shet tilderin oqytatyn ortalyqtyń(mekteptiń) resmı ashylý saltanatynda ál-Farabı atyndaǵy QazUÝ birinshi prorektory Muhambetqalı Búrkitbaev, Qazaqstannyń bilim berý salasynda aǵylshyn tilin damytý mańyzdy sharýalardyń biri ekenin atap aıtty. «Qazirgi tańda ǵylymı maqalalardyń, eńbekterdiń basym kópshiligi aǵylshyn tilinde jazylady. Osy mektepti ashý arqyly biz ǵylym men bilim salasyndaǵy básekege qabilettilikti arttyramyz. Sonymen qatar biz Prezıdentimiz Nursultan Ábishulynyń úsh tildi ult bolý ıdeıasyn júzege asyramyz», - dedi M.Búrkitbaev.
Óz kezeginde «Halyqaralyq baǵdarlamalar ortalyǵy» AQ prezıdenti Ǵanı Nyǵymetov «Bolashaq» baǵdarlamasy boıynsha aǵylshyn tilin oqytý júıesi aıtarlyqtaı ózgergenin aıtty. Búginde aılyq oqytý kýrsynyń quny orta eseppen bir stýdentke 4,5 myń dollar, bul shet elde til úıretýden birshama arzan. Al shet tildi syrtta oqytý aı saıyn bir stýdentke 10-15 myń dollar jumsalatyn. «Sapar aldynda stıpendıattar jarty jyl kóleminde osy til oqytý mektebinde dáris alady. Al kelesi jarty jylda tildi oqýǵa baratyn elde úıretetin bolady. Bul kýrs akademıalyq baǵdarlama boıynsha oqýǵa túsetin stıpendıattarǵa arnalǵan. Baǵdarlama boıynsha «Bolashaq» stıpendıattary ǵana emes, sonymen qatar QazUÝ stýdentteri men oqytýshylary da oqýǵa múmkindik alady», - dedi Ǵ.Nyǵymetov.
Tildik jáne oqytý baǵdarlamalary bilim berý salasyndaǵy halyqaralyq Brıtandyq Keńespen uıymymen áriptestik negizginde daıyndalady. Brıtandyq Keńestiń dırektory Endı Ýıláms: «Bul mekteptiń ashylýy Qazaqstan-Brıtan bilim berý salasyndaǵy qarym-qatynasynyń nyǵaıa túsýine jasalǵan taǵy bir qadam»,- dep atap ótti. «Biz ózimizdiń tarapymyzdan mundaı tildik ortalyqtardyń ashylýyn tolyqtaı qoldaımyz. Búginde aǵylshyn tilinde dostyq qarym-qatynastar men memleketter arasyndaǵy jemisti halyqaralyq yntymaqtastyq ornatylyp jatyr. Qazaqstan Prezıdenti atap ótkendeı, aǵylshyn tili 100 naqty qadam boıynsha Qazaqstannyń bolashaqta sátti damýynyń bir bóligi bolady», - dedi aǵylshyn dıplomaty.
Ál-Farabı atyndaǵy QazUÝ-da aǵylshyn tilin úıretýdi damytý úshin belsendi is-sharalar atqarylyp keledi. Sońǵy bes jyldyń ishinde JOO fakúltetterinde tek aǵylshyn tilinde sabaq oqytylatyn toptar jumys jasaıdy. QazUÝ-ǵa Eýropa jáne AQSH ýnıversıtetterimen jasalǵan kelisim-shart negizinde profesorlar kelip aǵylshyn tilinde túrli dárister men sabaqtar ótkizedi. Oqytýdyń bul ádisi bilim berý salasynda úlken suranysqa ıe bolǵandyqtan, QazUÝ-dyń halyqaralyq dárejede joǵarǵy deńgeıdegi básekege qabilettiliginiń dáleli bolsa kerek. Aldaǵy ýaqytta QazUÝ negizinde qurylǵan alǵashqy til oqytý mektebi ýnıversıtettegi til oqytý ádisteriniń damýyna óz úlesin qosady.
