2023 jylǵa 517,5 mln teńge somasyna 375 grant berý jospary bekitildi. Bul týraly Óńirlik komýnıkasıalar qyzmetiniń alańynda kásipkerlikti qoldaý sharalary týraly Almaty qalasynyń Jumyspen qamtý ortalyǵynyń dırektory Saǵyndyq Kenjebaev aıtyp berdi. Bıznes-ıdeıalardy iske asyrýǵa arnalǵan granttar áleýmettik osal toptardyń azamattary úshin bólinetin bolady. Búgingi tańda komısıa 1059 ótinimdi qarady, onyń 94 – i maquldandy, 965 ótinish qabyldanbady. "400 eselengen aılyq eseptik kórsetkish (1 380 000 teńge) mólsherindegi memlekettik grant - jańa bıznesti bastaý jáne damytý úshin qaıtarymsyz negizde beriletin bastapqy kapıtal", — dedi S.Kenjebaev.

Spıkerdiń málimetinshe, granttar kelesi baǵyttarda qoldaný úshin beriledi: eńbek quraldaryn, tehnologıalyq jabdyqty, janýarlardy, maldardy, qustardy, kóshetterdi, butalardy, tuqymdardy, kóshetterdi satyp alý, úı-jaılardy jalǵa alý aqysyn tóleý.                                                                                                                 

Granttar tutynýshylyq maqsattarǵa, kredıttik qaryzdardy óteýge, jyljymaıtyn turǵyn úı satyp alýǵa jáne salýǵa, jer ýchaskelerin satyp alýǵa, aksızdeletin ónimder óndirýge berilmeıdi.

Granttar alýdyń negizgi sharttary:

Grant alýshy tıis:

1. Jumyspen qamtýdyń mynadaı sanattarynyń birine jatý: • Tirkelgen jumyssyzdar • Jeke kásipkerler (3 jylǵa deıin)

2. Kelesi áleýmettik sanattardyń birine jatý: • Kóp balaly tulǵalar-kóp balaly járdemaqy alýshylar (jubaıy, zaıyby)  • Qonys aýdarýshylar jáne olardyń eńbekke qabiletti otbasy músheleri • Múmkindigi shekteýli balany tárbıeleýshi járdemaqy alatyn adamdar (jubaıy, zaıyby) • Ataýly áleýmettik kómek alýshy az qamtylǵan adamdar jáne olardyń otbasy músheleri • Asyraýshysynan aırylý jaǵdaıy boıynsha áleýmettik járdemaqy alýshylar • Kandas qoldanystaǵy mártebesi bar adamdar • Múmkindigi shekteýli adamdar

3. «Bastaý Bıznes» jobasy boıynsha kásipkerlik negizderine oqytý týraly sertıfıkatynyń bolýy. (Oqýdy onlaın túrde skills.enbek.kz portaly arqyly ótýge bolady)

4. Mártebesin tekserý sátinde erikti túrde qonys aýdarýǵa qatysýshylardan basqa (ońtústikten soltústikke qaraı)jumyspen qamtýǵa járdemdesýdiń belsendi sharalaryna qatysýshy bolyp tabylmaý.                                                         

"Grant alýǵa kandıdattardyń ótinishi men bıznes-jobasyn halyqty jumyspen qamtý ortalyǵy, "Atameken" óńirlik kásipkerler palatasy, jergilikti atqarýshy organdar, qoǵamdyq birlestikter, ǵylymı-bilim berý mekemeleri ókilderiniń, bıznes, óńirlik buqaralyq aqparat quraldary ókilderiniń, salalyq sarapshylardyń qatysýymen qurylǵan komısıanyń otyrysyna qaraýǵa shyǵarady. Halyqty jumyspen qamtý ortalyǵy onyń quramyna kirmeıdi jáne sheshim qabyldaý kezinde daýys bermeıdi.", - dep tolyqtyrdy spıker. Sondaı-aq, grant alǵan sátten bastap basty shart jeke kásipker retinde tirkelý bolyp tabylady (úsh aı ishinde JK tirkeý qajet). Grantqa ótinish berý úshin business.enbek.kz. portalyna tirkelý qajet.

Barlyq suraqtar boıynsha halyqty jumyspen qamtý ortalyǵyna, Dostyq dańǵyly 85, "áleýmettik qyzmetter úıi" mekenjaıy boıynsha nemese 310-47-82 biryńǵaı nómiri boıynsha habarlasýǵa bolady.