Astana qalasynyń ákimi Jeńis Qasymbek elordanyń 25 jyldyǵy aıasynda ótetin baýyrlas qalalar merleri forýmyna kelgen Rabat qalasy men Nýsantara ulttyq astanalyq basqarmasynyń basshysymen kezdesý ótkizdi.

«Kezdesý barysynda mádenıet, ekonomıka, saýda, týrızm jáne t.b. salalardaǵy yntymaqtastyq máselelerin talqylap, tájirıbelerimizben bólistik.

Astanada ótetin forýmǵa 17 qalanyń (10-nan astam memleket) merleri men vıse-merleri qatysady dep kútilip otyr.  Rabat qalasynyń (Marokko Koróldigi) meri Asmaa Rhlalýmen astanalar arasynda baýyrlastyq qatynas ornatý týraly memorandýmǵa qol qoıdyq. Sonymen qatar Nýsantara Ulttyq astanalyq basqarmasynyń (Indonezıa Respýblıkasy) basshysy Bambang Sýsantonomen birlese bizdiń qalamyz ben Nýsantara Astanalyq basqarmasy arasynda ózara yntymaqtastyq týraly memorandýmǵa qol qoıdyq. Kezdesý barysynda mádenıet, ekonomıka, saýda, týrızm jáne t.b. salalardaǵy yntymaqtastyq máselelerin talqylap, tájirıbelerimizben bólistik,-dep jazdy qala ákimi óziniń áleýmettik paraqshasynda.