Mınıstrliktiń baspasóz qyzmetiniń habarlaýynsha, "Ózavtosanoat" pen BYD Auto birlesken kásiporyn quryp, ony BYD Uzbekistan Factory dep ataıdy. Birlesken kásiporyn elektr jáne gıbrıd avtomobılder shyǵarýmen aınalysady.

Investısıalyq jobanyń alǵashqy kezeńinde 50 myń avtomobıl shyǵarylsa, al ekinshi kezeńinde óndiris kólemi jylyna 300 myń avtomobılge jetýi kerek.

BYD Uzbekistan Factory Qytaıdan tys jerde elektromobıl shyǵaratyn alǵashqy qytaılyq birlesken kásiporyn atanady.

Ózbekstan prezıdenti Shavkat Mırzıaev sol kúni BYD delegasıasy men onyń prezıdenti Van Chýanfýdy qabyldady. Kezdesýde elektromobıl shyǵaratyn óndiristi Jızaq oblysynda tezirek bastaý kerektigi aıtyldy.

Esterińizge sala keıtik, "Ózavtosanoat" pen BYD Auto Ózbekstanda avtomobıl shyǵarý jaıyn 2022 jylǵy tamyzda kelisken. Sol kezde de tıisti kelisim-shart qabyldanǵan. Al 2023 jyldyń basynda BYD brendi Ózbekstan naryǵyna resmı túrde kirgen.