Syzat túsken sapasyz úılerge kim jaýapty

Syzat túsken sapasyz úılerge kim jaýapty – vıse-mınıstr jaýaby

/image/2024/02/01/crop-0_403_810x1080_65afa44fa165e.webp

Almatyda jer silkinisine tótep bere almaı, qabyrǵalary jarylyp, syzattar túsken sapasyz salynǵan baspanalarǵa kim jaýapty?

Osy sıpattaǵy jýrnalıser suraǵyna 1 aqpanda Senat dálizinde Ónerkásip jáne qurylys vıse-mınıstri Tımýr Qaraǵoıshın jaýap berdi.

Vıse-mınıstr Qazaqstanda úılerdi salý kezinde jer silkinisine tózimdiligin tekserý sharalary alda kúsheıtile túsedi dep ýádeni úıip-tógip, muny depýtattar da qoldap otyrǵanyn jetkizdi. Shendi Almatydaǵy ǵımarattarǵa sońǵy jer silkinisi eleýli zaqym keltirmedi degen oıda.

Tórt-bes bal boldy, kórip turǵandaryńyzdar, kóqabatty turǵyn úıler aman-saý, ornynda tur. Negizinen, turǵyn úı jobasynyń sapasyna, eń birinshi kezekte jobalaýshy jaýap beredi. Óıtkeni qurylystyń sapasy sapaly jobaǵa baılanysty. Ekinshiden, salynǵan nysandy qabyldap alý kezinde oǵan saraptama júrgizgen sarapshylar jaýap beredi. Úshinshiden, qurylysshylar (qurylys salýshylar) jaýapty bolýy kerek. Sondyqtan ǵımaratty salý kezinde qurylys kompanıasy joba syzbasyn ustanyp, durys jáne sapaly qurylys salýy kerek, - deıdi Tımýr Qaraǵoıshın.

Aıta ketsek, QR TJM Seısmologıalyq baqylaýlar jáne zertteýler ulttyq ǵylymı ortalyǵynyń dırektory Dáýlet Sársenbaev 23 qańtarda ótken brıfıń barysynda qaladaǵy barlyq nysanda jer silkinisinen keıin paıda bolýy yqtımal jaryqtar, syzattardyń bar-joǵy tekseriletinin málimdegen bolatyn.

Syzat túsken sapasyz úılerge kim jaýapty – vıse-mınıstr jaýaby

Qatysty tegter :

Pikir qaldyrý

Qatysty Maqalalar