Kezdesýde ınvestısıalyq yntymaqtastyqtyń múmkindikteri talqylandy. Ekonomıkanyń damýyn, ekonomıkalyq ózin-ózi qamtamasyz etý, ekonomıkany ártaraptandyrý, ınvestısıa tartý, saýda-ekonomıkalyq yntymaqtastyq, qazaqstandyq ónimniń sapasyn arttyrý maqsatynda elimizdetıisti deńgeıde jumystar atqarylyp keledi.

Sonyń ishinde, Almaty qalasynda atqarylyp kele jatqan jumystarǵa toqtalsaq, qala ákimi Erbolat Dosaev saýda-yntymaqtastyq, ınvestısıa tartýǵa qatysty ózge memleketterdiń ókilderimen jıi kezdesý ótkizip turady. Máselen, jýyrda qala  ákimi Erbolat Dosaev Pacific Construction Group kompanıasynyń prezıdenti Song Shaotınmen  kezdesip,  kólik ınfraqurylymy BRT, LRT, Metro, sýmen jabdyqtaý, sý burý obektilerin salý jáne sekildi taǵy basqa salalardaǵy ınvestısıalyq yntymaqtastyq perspektıvalaryn talqylady. Odan bólek,  2023 jyly Almaty men Qytaı arasyndaǵy taýar aınalymy 22 paıyzǵa ulǵaıyp, 9,4 mıllıard AQSH dollary (2022 jyly 7,7 mıllıard AQSH dollary). Búgingi tańda qalada qytaı kapıtalynyń qatysýymen 1 914 kásiporyn jumys isteıdi (Qazaqstan Respýlıkasy – 3 427 kásiporyn). Kezdesýdiń qorytyndysyna sáıkes,  taraptar ekijaqty qarym-qatynastardy odan ári nyǵaıtýǵa jáne ózara tıimdi seriktestikke daıyn ekendikterin bildirdi.

Jalpy Pacific Construction Group Qytaı halyq Respýblıkasyndaǵy eń iri jeke qurylys kompanıasy sanalady. Shtab-páter 1986 jyly Shyńjańdaǵy Úrimshi qalasynda qurylǵan. Kóp jyldan beri kompanıa Fortune Global-diń 500 tizimine enip, álemdik qurylys ındýstrıasynda bastapqy orynǵa ıe boldy. Olardyń kyzmettegi negizgi baǵyty – joldardy, kópirlerdi, porttardy men ónerkásiptik obektilerdi salýmen qatar iri ınfraqurylymdyq jobalarǵa ınvestor bolyp keledi. Odan bólek, kompanıa Shanhaı–Nankın, Shanhaı– Chjýhaı, Pekın–Shanhaı, Pekın–Gonkong, Lánhýo, Qytaı provınsıalaryndaǵy qalalardyń kólemdi qurylystaryna qatysqan.

Osy taqyrypqa saı, budan bólek, Almaty qalasynyń ákimi halyqaralyq qarjy uıymy (IFC) «jasyl oblıgasıalarmen» uzaqmerzimdi komersıalyq syrtqy qarjylandyrýǵa qoljetimdilikti ulǵaıtý jónindegi yntymaqtastyq týraly Kelisimge qol qoıdy. Kelisim barysynda IFC ulttyq valútada uzaqmerzimdi syrtqy qaryz alýdy tartý úshin zańnamalyq bazany jetildirý maqsatynda qala ákimdigine óteýsiz tehnıkalyq qoldaý kórsetýdi jalǵastyryp keledi. Búgingi tańda Ortalyq Azıadaǵy alǵashqy manýsıpaldyq «jasyl oblıgasıa» túrinde áleýetti syrtqy qarjylandyrý boıynsha pılottyq tranzaksıany daıyndaý jalǵasyp keledi. Bul jumys turaqty jáne jasyl ınfraqurylym qalyptastyrýdy talap etetin Almaty aglomerasıasyn damytý jónindegi memlekettik saıasatqa sáıkes atqarylýda. Bul jumys turaqty jáne jasyl ınfraqurylym qalyptastyrýdy talap etetin Almaty aglomerasıasyn damytý jónindegi memlekettik saıasatqa saı keledi. Budan bólek, Almaty qalasynda ınvestısıalyq yntymaqtastyq barysynda jumystar jalǵasyn tabýda.