Mańǵystaý oblysynda polıseıler óńirlik ákimdiktiń qoldaýymen Munaıly aýdanynyń úsh turǵynyn esirtki qylmysyna kúdikpen ustady. Olardyń arasynda aýdan ákiminiń orynbasary men Atameken aýyly ákiminiń orynbasary bar.

Mańǵystaý oblysy ákimdiginiń málimetinshe, aýdan ákiminiń orynbasary ýaqytsha ustaý ızolátoryna qamaýǵa alynǵan, al basqa fıgýranttarǵa qatysty bultartpaý sharasy qarastyrylyp jatyr.

"Alynǵan zattar saraptamaǵa jiberildi, qajetti tergeý áreketteri júrgizilip jatyr", – dedi ákimdik ókilderi.

Sondaı-aq, óńirde memlekettik qyzmetkerler arasynda sybaılas jemqorlyqqa jáne zańsyz áreketterge múldem tózbeýshilik saıasaty júıeli túrde júrgiziletini atap ótildi.

"Zańdy buzǵan tulǵalarǵa qatysty qoldanystaǵy zańnamaǵa sáıkes eń qatań sharalar qabyldanatyn bolady", – delingen habarlamada.