Qazaqstanda oqý mádenıetin damytý boıynsha aýqymdy joba júzege asyrylýda.
2025 jyldyń qyrkúıeginde Qaraǵandy, Qostanaı oblystary men Shymkent qalasynda "oqyrman ult" jobasynyń birinshi kezeńi – Qazaqstanda turaqty oqý mádenıetin qalyptastyrýǵa arnalǵan aýqymdy zıatkerlik-aǵartýshylyq bastama sátti aıaqtaldy, dep jazady Qamshy.kz aqparat agenttigi.
Bastamanyń negizgi maqsaty-bala kezinen bastap únemi oqý ádetin qalyptastyrý, synı jáne analıtıkalyq oılaýdy damytý, sonymen qatar kitapty bilimniń negizgi kózi retinde nasıhattaý.
Bastama Qazaqstan Respýblıkasynyń Prezıdenti Qasym-Jomart Kemeluly Toqaevtyń Ulttyq quryltaıdyń III otyrysynda aıtylǵan tujyrymdamasy sheńberinde iske asyrylýda jáne Qazaqstandy álemniń eń kóp oqıtyn elderiniń ondyǵyna shyǵarý – órshil maqsat qoıady.
Bir aıda úsh óńirde jobaǵa qatysý úshin 189 221 qatysýshy tirkeldi: Qaraǵandy oblysynda – 67 438 qatysýshy, Qostanaı oblysynda – 55 281 qatysýshy, Shymkent qalasynda – 66 502 qatysýshy.
Olardyń ishinde: 6-10 synyptardaǵy mektepterdiń 87 157 oqýshysy, 34 038 pedagog, jergilikti atqarýshy organdardyń 2 388 memlekettik qyzmetshisi. Sondaı-aq 36 553 otbasylyq áýlet, 29 085 kolej jáne joǵary oqý oryndarynyń stýdentteri.
Qatysýshylar alty sanat boıynsha baq synaıdy:
· "Oqý mektebi",
· "Oqý muǵalimi",
· "Oqý áýleti",
· "Oqý koleji",
· "Oqý ýnıversıteti",
· "Oqyrman Memlekettik qyzmetker".
Ekinshi kezeńde ár qatysýshy jasyn jáne qyzyǵýshylyǵyn eskere otyryp, sarapshylar jasaǵan arnaıy tańdalǵan tizimderden 15 kitap oqýy kerek. Basty nazarda – patrıotızmdi, jaýapkershilikti jáne synı oılaýdy tárbıeleý.
Tizimderge "Qazaqstan ádebıetiniń 100 tanymal kitaby" jalpyulttyq daýys berýden alynǵan týyndylar, álemdik bestsellerler, ulttyq mádenı mura men qundylyqtardy beıneleıtin álemdik jáne otandyq klasıka týyndylary kiredi.
Tolyq erejeler men kitaptar tizimderi resmı saıtta qol jetimdi: reading-nation.kz.
Jobaǵa qatysýshy, Qostanaı oblysy № 31 mektebiniń 10 synyp oqýshysy Anel Ragımova:
"Oqý – meniń ómirimniń ajyramas bóligi. "Oqyrman ult" jobasy kitap oqýdy súıetinderdi shabyttandyrady jáne jastarǵa jańa múmkindikter ashady. Men baıqaýda jeńiske jetý úshin kúresýge bel býdym jáne bul bastama Qazaqstanda oqý mádenıetin damytýǵa qýatty serpin bolady dep senemin".
"Prezıdenttiń bastamasyn qoldaı otyryp, biz Qazaqstanda oqýǵa degen súıispenshilikti oıatatyn jáne jańa mádenıetti qalyptastyratyn jobany iske asyramyz. Ár túrli áleýmettik toptardyń qatysýshylarymen kezdesýler olardyń shynaıy ynta-jigeri men qoldaýyn kórsetedi. Joba oqyrman qazaqstandyqtardyń sanyn kóbeıtip, elimizdi zıatkerlik damýdyń jańa deńgeıine shyǵaratynyna senimdimiz", deıdi joba avtory Bakytjan Týrlybekov.
Jobany "AMANAT" partıasy men Qaraǵandy, Qostanaı oblystary men Shymkent qalasy ákimdikteriniń qoldaýymen júzege asyrýda.
