Ýkraındaǵy oqıǵalardan Qazaqtyń alar sabaǵy az emes. Sonyń biri aqparattyq saıasat máselesi. Nelikten bizdiń aqparat keńisitigi jalǵyz ǵana memleket - Reseıge tuıyqtalyp qalǵan? Nátıjesin kórip otyrmyz – azamattarymyzdyń Ýkraınadaǵy jaǵdaıdy bóten eldiń kózqarasymen qabyldaýy bylaı tursyn, jıi Qazaqstannan góri búıregi Reseıge burylyp turady. Sumdyq emes pe? Ne degen taýsylmaıtyn quldyq sana-sezim? Bundaı jaǵdaı álemniń birde-bir memleketinde joq jáne ulttyq qundylyqtar men arman-murattaryna, eldiń qaýipsizdigine zor nuqsan keltiredi. Ádette, osyndaıda laýazymdy oryndar “synaı bergenshe, naqty usynys jasańdarshy” degendi jıi alǵa tartady. Endeshe naqty usynys Kabeldi telejúıelerde otandyq arnalardy damytýmen, qazaq tiliniń aıasyn keńeıtýmen qatar sheteldik telearnalardyn úlesin shektep, bir júıege keltirý. Onyń ishinde orys tilinde retranslásıalanatyn salaly arnarady (Discovery, Animal, TV1000, Sport, History, t.b.) tolyqtaı qazaq tiline aýdarý. Ekinshiden, onnan asa reseılik arnalardan, aıtalyq, RTR-dy ǵana qaldyrý. Bosaǵan oryndarǵa Qyrǵyz, Ózbek, Túrik, Ázirbaıjan, Shynjan qazaqtary, Qytaı, Ýkraına, Grýzıa sekildi dostas memleketterdiń ulttyq arnalaryn qoıý. Qazaq kórermeni tek Reseıge ne orys tiline baılanyp qalmaýy, al demokratıalyq memlekette ár azamattyń óz tańdaýy bolǵany abzal – bul onyń konstıtýsıalyq haqy.

Rasýl Jumaly, saıasattanýshy

(Fb paraqshasynan)