الماتىدا تجد-نىڭ قىزمەتكەرلەرى مۇز بوگەتىنىڭ جينالۋىنان قارعالى وزەنىنىڭ دەڭگەيى كوتەرىلمەۋىن قاداعالاپ تاۋلىك بويى كەزەكشىلىك ەتۋدە، - دەپ حابارلايدى «قامشى» پورتالى قازاقپاراتقا سىلتەمە جاساپ.

10 اقپاندا الاتاۋ اۋدانىنداعى «تەپلوەنەرگەتيك» جەس-2 ساياجاي قوعامىنىڭ تۇرعىنى قارعالى وزەنىنىڭ دەڭگەيى كوتەرىلۋى ىقتيمال»، - دەپ تەلەفون سوققان.

«وقيعا ورنىنا جەتكەن تجد قىزمەتكەرلەرى مۇز بوگەتىنىڭ قالىڭداپ، اعىپ جاتقان سۋدىڭ دەڭگەيى كوتەرىلگەنىن انىقتادى. الاتاۋ اۋدانىنىڭ اكىمدىگى مەن تجد قىزمەتكەرلەرى،  قۇتقارۋشىلار 400 مەتر اۋماقتى ەكسكاۆاتورلارمەن تازالاپ شىقتى. اۋماقتان 216 كۋب مەتر قار مەن مۇز شىعارىلدى»، - دەلىنگەن تجد تاراتقان حابارلامادا.

قازىرگى تاڭدا قارعالى وزەنىنىڭ وسى ايماقتاعى دەڭگەيى تومەندەدى. جاقىن ماڭداعى ۇيلەردى سۋ باسۋ ءقاۋپى سەيىلدى. اۋا تەمپەراتۋراسىنىڭ تومەندەگەنىنە بايلانىستى تاعى دا مۇز قۇرساۋى پايدا بولماس ءۇشىن قۇتقارۋشىلار تاۋلىك بويى كەزەكشىلىك ەتۋدە.