الماتى وبلىسى قاپشاعاي توتەنشە جاعدايلار ءبولىمىنىڭ باستىعى جانسەرىك ابدىكەرىموۆ پارا الدى دەگەن كۇدىكپەن ۇستالدى، - دەپ حابارلايدى «قامشى» پورتالى جەمقورلىققا قارسى ءىس-قيمىل ۇلتتىق بيۋروسىنىڭ باسپا ءسوز قىزمەتنە سىلتەمە جاساپ.
ۇلتتىق بيۋرو سونىمەن قاتار، شەنەۋنىكپەن بىرگە ونىڭ ورتكە قارسى قىزمەت مايورى شەنىندەگى تاعى ءبىر باعىنىشتىسى تۇتقىندالعانىن حابارلادى.
«ابدىكەرىموۆ پەن قۋاندىقوۆ الدىن الا كەلىسىم بويىنشا بوپسالاۋ جولىمەن «اق ساراي» ءدامحاناسىندا انىقتالعان كەمشىلىكتەردىڭ جويىلعاندىعى تۋرالى انىقتاما ءۇشىن مىڭ اقش دوللارى كولەمىندە پارا العان»، - دەلىنگەن ۇلتتىق بيۋرو تاراتقان حابارلامادا.
قازىرگى ۋاقىتتا ۇستالعاندار الماتى وبلىسى ىلە اۋدانى ءىىب-نىڭ ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جۇرگىزىلۋدە.
پىكىر قالدىرۋ