استانا قالاسىنىڭ پروكۋراتۋراسى استانادا ولتىرىلگەن ستۋدەنت ەراسىل اۋباكىروۆتىڭ ولىمىنە قاتىستى دەپ ۇستالعاندار تۋرالى پىكىر ءبىلدىردى، - دەپ حابارلايدى «قامشى» پورتالى.

پروكۋراتۋرا ۇستالعانداردىڭ بىرەۋى بۇرىن پروكۋراتۋرا ورگاندارىندا قىزمەت ەتكەن دەگەن مالىمەتتى جوققا شىعارىپ وتىر.

«كەي اقپارات قۇرالدارىندا ەراسىل اۋباكىروۆ ءىسى بويىنشا ۇستالعانداردىڭ ءبىرى بۇرىنعى پروكۋراتۋرا قىزمەتكەرى ەكەندىگى ايتىلۋدا. وسىعان بايلانىستى قالا پروكۋراتۋراسى مىنانى حابارلايدى: قازىرگى ۋاقىتتا قاماۋعا الىنعان، 1994 جىلى تۋعان نۇربەك ءاجىمباي 2015 جىلى 29 ماۋسىم مەن 31 جەلتوقسان ارالىعىندا استانا قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ جولداماسىمەن حالىقتى جۇمىسپەن قامتۋ باعدارلاماسى بويىنشا سارىارقا اۋدانىنىڭ پروكۋراتۋراسىنا جىبەرىلىپ، وندا تەحنيكالىق جۇمىستار اتقاردى (ناريادتاردى قۇرۋ، قۇجاتتار تىگۋ). ول ءۇشىن ەڭبەكاقى جۇمىسپەن قامتۋ باسقارماسىنان تولەندى. ن. ءاجىمباي جەدەل قىزمەت اتقاراتىن پروكۋراتۋرا قىزمەتشىسى بولعان جوق»، - دەلىنگەن پروكۋراتۋرا تاراتقان حابارلامادا.

ەستەرىڭىزگە سالساق، استانا قالاسىندا 3 اقپاندا جوعالعان ستۋدەن ە. اۋباكىروۆتىڭ ءمايىتى كەشە استانانىڭ سىرتىنان تابىلعان بولاتىن. ستۋدەنتتى ازاپتاپ جاتقانداردىڭ ۆيدەوسى ءبىرقاتار اقپارات قۇرالدارىندا تاراتىلدى.