ەلباسى نۇرسۇلتان نازاربايەۆ جازۋشى جانە قوعام قايراتكەرى ولجاس سۇلەيمەنوۆپەن كەزدەستى، - دەپ حابارلايدى «قامشى» پورتالى اقوردانىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا قازاقستاننىڭ قارۋسىزدانۋ جانە يادرولىق قارۋدى تاراتپاۋ سالاسىنداعى قىزمەتىنىڭ نەگىزگى باعىتتارى تالقىلاندى.
سونىمەن قاتار پرەزيدەنت نۇرسۇلتان نازاربايەۆتىڭ سەمەي يادرولىق پوليگونىن جابۋ تۋرالى جارلىعىنا قول قويعانىنا 25 جىل تولۋى اياسىندا وتەتىن شارالارعا دايىندىق ماسەلەلەرى قاراستىرىلدى.
نۇرسۋلتان نازاربايەۆ كۇردەلى گەوساياسي جاعدايدى ەسەپكە الا وتىرىپ، حالىقارالىق اۋقىمدا بەيبىتشىلىك پەن قاۋىپسىزدىك پرينسيپتەرىن العا جىلجىتۋدىڭ ماڭىزدىلىعىن اتاپ ءوتتى.
ءوز كەزەگىندە، و.سۇلەيمەنوۆ جاھاندىق يادرولىق قارۋعا قارسى قوزعالىستا مەملەكەتتەردىڭ عانا ەمەس، سونىمەن قاتار قوعامدىق ۇيىمداردى، ازاماتتىق باستامالاردى بىرىكتىرۋ قاجەتتىلىگىنە نازار اۋداردى.
پىكىر قالدىرۋ