استانا قالاسىندا قاستاندىقپەن ولتىرىلگەن ەراسىل اۋباكىروۆتى ازاپتاعان كوتتەدج تابىلدى، - دەپ حابارلايدى «كتك» ارناسى.

تەلەارنانىڭ حابارلاۋىنشا، ەكى قاباتتى كوتتەدج مەيرامداردى اتاپ ءوتۋ ءۇشىن جانە كوڭىل كوتەرۋشىلەرگە جالعا بەرىلەتىن كورىنەدى. تۇرعىن ءۇيدى جالعا الۋ قۇنى ءبىر تاۋلىككە بار بولعانى 40 مىڭ تەڭگەنى قۇرايدى ەكەن.

اتالعان وقيعاعا قاتىسى بار ءۇش ادام – ەراسىل اۋباكىروۆتى ولتىرۋگە تاپسىرىس بەرگەن ايان مەيىربايەۆ، تاپسىرىستى ۇيىمداستىرۋشى نۇربەك ءاجىمباي مەن تاپىرىستى ورىنداۋشىلار اندرەي تيحونەنكو مەن ۆيتاليي شەرستەنيەۆ تەرگەۋ اياقتالعانشا قاماۋعا الىنعان بولاتىن.

تەرگەۋشىلەر ستۋدەنتتىڭ ءومىرىنىڭ سوڭعى كۇنىندەگى بولعان وقيعالاردىڭ تىزبەگىن جاساپ شىقتى. ولار كۇدىكتىلەر قاي ۋاقىتتا كىمگە تەلەفون شالعاندارىن، كوتتەدجگە قانداي تاكسيمەن جەتكەندەرىنە دەيىن بىلەمىز دەپ وتىر.

ەستەرىڭىزگە سالساق، 10 اقپان كۇنى استانا سىرتىنان ستۋدەنت ەراسىل اۋباكىروۆتىڭ ءمايىتى تابىلعان ەدى. اتالعان ءىس بويىنشا قىلمىستىق ءىس قوزعالىپ، ءتورت ادام قاماۋعا الىندى. الايدا، تاپسىرىس بەرۋشى ايان مەيىربايەۆتىڭ ادۆوكاتى ەرلان بەكبولوۆ اياننىڭ ەراسىلمەن جەكە تانىستىعىن جوققا شىعارىپ، قۇقىققورعاۋ ورگاندارىنان ءىستىڭ ماتەريالدارىن قۇپيا ۇستاۋدى سۇراپ وتىر.