بۇگىنگى زامان تالابى ءبىلىم مەن قابىلەتتى، ىسكەرلىك قاسيەتتەردى اشىپ كورسەتە الاتىن جوعارعى دارەجەلى  مامانداردى قاجەت ەتەدى.  اسىرەسە كەيىنگى كەزدەرى جاستارىمىز سويلەۋ مادەنيەتىنەن اقساپ، ونىڭ ورنىن ءتۇرلى تەحنيكالار باسقان زاماندا اسىرەسە شەشەندىك ونەردىڭ قىر-سىرىن مەڭگەرۋ ماسەلەسى –كوكەيتەستى  پروبلەمالاردىڭ ءبىرى بوپ تابىلادى.  شەشەندىك ونەردىڭ وزىنە عانا ءتان ەرەكشەلىكتەرى، قالىپتاسقان نورماسى، تۇراقتالعان زاڭدىلىقتارى بار.  قانداي دا ءبىر ۇلتتىڭ سويلەۋ ءتىلى جانە جازباشا ستيل ءۇشىن ساۋاتتىلىق وتە ماڭىزدى. بەلگىلى ءبىر مەكەمەدە قىزمەت بارىسىندا پىكىرلەسۋ، كەلىسسوز جۇرگىزۋ، جينالىستار، دوڭگەلەك ۇستەل وتكىزۋ ءۇشىن شەشەندىك ونەردى مەڭگەرۋ- ماڭىزدى ءرول اتقارادى.

وركەنيەت تۋىن كوتەرگەن ەلدەردىڭ بارىندە كوركەم ءسوز ونەرىنىڭ قۇدىرەتىنە باس يگەن. شىعىس حالىقتارىنىڭ ىشىندە جۇڭگو ۇلتى جانە قازاق ۇلتى  ءسوز ونەرىن اسا جوعارى باعالاپ، شەشەندىك ونەرگە باۋليتىن ويلى ورتاسى مەن ءبىلىم وردالارى بولعانىمەن تاريحتان بەلگىلى. حالىق كوپ جيىلعان ورتادا اسەرلى ءسوز سويلەۋدى دارا تۇلعاعا ءتان قۇندىلىق رەتىندە تانىعان شىعىس حالىقتارى ءسوز سالماعىنىڭ  وزىندىك باعاسىن ءبىلىپ، ۇرپاقتارىنىڭ وسىناۋ  ءسوز ونەرىنىڭ قىر سىرىمەن جان-جاقتى تانىستىرىپ، باۋلىپ وتىرعان. كونەدەن باستاۋ الاتىن يگى ءداستۇردى بۇگىندە ءبىزدىڭ ءبىلىم ورداسى- ءال فارابي اتىنداعى شىعىستانۋ فاكۋلتەتىنىڭ قىتايتانۋ كافەدراسى ءارى قاراي  دامىتۋ ۇستىندە. وسى رەتتە       2016 جىلدىڭ اقپان ايىنىڭ ەكىنشى جۇلدىزىندا ءال-فارابي اتىنداعى قازاق ۇلتتىق  ۋنيۆەرسيتەتى شىعىستانۋ فاكۋلتەتى قىتايتانۋ  كافەدراسى ۇيىمداستىرىپ وتىرعان «جۇڭگو ءتىلى اپتالىعى اياسىندا» جۇڭگو تىلىنەن شەشەندىك ونەر سايىسى بولىپ ءوتتى.

 بۇل ءىس-شاراعا ەلىمىزدەگى جۇڭگو ءتىلىن وقيتىن وقۋ ورىندارىنان (اباي اتىنداعى قازاق ۇلتتىق پەداگوگيكالىق ۋنيۆەرسيتەتى، قازاق مەملەكەتتىك قىزدار پەداگوگيكا ۋنيۆەرسيتەتى، ءابىلايحاناتىنداعىقازحقجاتۋ، د.ا.قونايەۆ اتىنداعى ۋنيۆەرسيتەت ت.ب ) جۇڭگو ءتىلى  وقىتۋشىلارى، سونداي-اق اتالعان ءىس-شاراعا چەحيا شىعىستانۋ  ينستيتۋتىنىڭ  قىتايتانۋشى عالىمدارى – الەكساندر كلەميش جانە  ۆەرا ەكسنەروۆالار قاتىسىپ، ءبىزدىڭ ستۋدەنتتەردىڭ جوعارعى ءبىلىم دەڭگەيىن كورىپ، ءتانتى بولدى. سايىسقا قاتىسقان ون سەگىز ستۋدەنتتىڭ ىشىنەن توپ جارعان 2 كۋرس ستۋدەنتى  مۋرزاگەللينا لاۋرا « مەنىڭ ارمانىم» اتتى تاقىرىپتا جازىلعان شىعارماسىمەن كوپشىلىك نازارىن بىردەن جاۋلاپ الدى.  سايىس بارىسىندا  كونفۋسيي ينستيتۋتىنىڭ  ماماندارى مەن قىتايتانۋ كافەدراسىنىڭ  بەلدى جۇڭگو ءتىلى مۇعالىمدەرىنەن قۇرىلعان ءادىلقازىلار القاسى نەگىزىنەن،  جۇڭگو ءتىلىن وقىپ جاتقان ستۋدەنتتەرىنىڭ تاقىرىپتى اشا ءبىلۋ قابىلەتىنە، جۇڭگو ءتىلىنىڭ دىبىستالۋىنا، سۇراقتارعا دۇرىس جانە ۇتىمدى  جاۋاپ بەرۋىنە، كوپشىلىك ورتادا ءوزىن ءوزى ۇستاي ءبىلۋ مادەنيەتىنە باستى نازار اۋداردى.   سايىس  سوڭىندا ستۋدەنتتەر شاعىن كونسەرت كورستەتتى. ءبىلىم دەڭگەيمەن الىس جاقىن شەتەلدەن كەلگەن قوناقتاردى تاڭ قالدىرعان  شاكىرتتەرمىز  ءۇشىن ۇلكەن ماقتانىش سەزىمگە يە بولعان ۇستازدار قاۋىمى ءوز قۋانىشتارىن جاسىرا المادى.  الەمدەگى ەڭ قيىن تىلدەردىڭ ءبىرى بوپ سانالاتىن – جۇڭگو ءتىلىن ەكى جىل ىشىندە تەرەڭ مەڭگەرگەن ستۋدەنتتەرىمىزدىڭ  باعىندىرار بيىگى ءالى الدا دەپ سەنەمىز.

ايدا كەنجەبايەۆا

ءال-فارابي اتىنداعى شىعىستانۋ فاكۋلتەتى قىتايتانۋ كافەدراسىنىڭ دوسەنتى