وڭتۇستىك قازاقستان وبلىسى ىشكى ىستەر دەپارتامەنتى ورداباسى اۋدانىندا ۇرلانعان بالاعا قاتىستى تاعى ءبىر كۇدىكتىنى ىزدەستىرۋدە، - دەپ حابارلايدى «قامشى» پورتالى.

جەدەل-ىزدەستىرۋ شارالارىنىڭ ناتيجەسىندە ورداباسى اۋدانى امانگەلدى اۋىلىندا جوعالعان بالانى 5-55 شاماسىنداعى ايەلدىڭ مەكتەپتىڭ الدىنان الىپ كەتكەنى بەلگىلى بولعان ەدى. پوليسيا بالا ۇرلىعىنا قاتىستى ەىنشى ايەلدىڭ بولعانىن انىقتاپ وتىر. بۇعان دەيىن بالانى مەكتەپتەن الىپ كەتكەن ايەلدىڭ فوتوروبوتى جاسالعان بولاتىن.

اتاپ ايتقاندا، پوليسەيلەر 1965 جىلى تۋعان ورداباسى اۋدانىنىڭ تۋماسى، تۇراقتى مەكەن-جايى بەلگىسىز كەلىنشەككە ىزدەۋ سالۋدا. ىشكى ىستەر ورگاندارى ۇرلانعان بالا مەن ونىڭ اتا-اناسى بالانى ۇرلاعانداردىڭ بىرىمەن تانىستىعىن ايتادى.

«قازىرگى تاڭدا ءبىز ۇرلانعان بالانى قولىنان جەتەكتەپ كەتكەن ايەلدەن كۇدىكتەنۋدەمىز. سونىمەن قاتار، 1965 جىلى تۋعان، وقو ورداباسى اۋدانىنىڭ تۇرعىنى ساندىگۇل سۇيىندىك دەگەن كەلىنشەك تە كۇدىككە ءىلىندى. ول بۇرىنىراق ۇرلانعان بالانىڭ اتا-اناسىمەن سويلەسكەن جانە ءوزىنىڭ بالاسى بولماعان ەكەن. ىزدەۋ-تەرگەۋ جۇمىستارى جالعاسۋدا»، - دەيدى وقو ءىىد كريمينالدىق پوليسيا باسقارماسىنىڭ باستىعى كەنجەبەك وڭداسىنوۆ.

ەستەرىڭىزگە سالساق، 20 اقپان كۇنى وقو ورداباسى اۋدانى امانگەلدى اۋلىندا 6 جاستاعى مۇحامەد قامشىبەكتى بەلگىسىز ايەل مەكتەپتەن شىققاندا وزىمەن ەرتىپ كەتكەن بولاتىن.