الماتى قالاسى ورتالىق كىتاپحانا جۇيەسىنىڭ №4 كىتاپحاناسىندا قالىڭ وقىرمانعا ەسىمى ءماشھۇر كورنەكتى قالامگەر، حالىقارالىق «الاش» سىيلىعىنىڭ يەگەرى، قازاقستان جازۋشىلار وداعىنىڭ مۇشەسى بەكسۇلتان نۇرجەكە ۇلىنىڭ 75 جىلدىق مەرەيلى مەرەيتويىنا ارنالعان «كوركەمسوز پاتشالىعىنىڭ حاس شەبەرى» اتتى ادەبي-سازدى كىتاپحانالىق بەنەفيس ءوتتى، - دەپ حابارلايدى «قامشى» پورتالى.

مادەني شاراعا جازۋشىنىڭ قالامگەر ارىپتەستەرى، قازاق ادەبيەتىنىڭ كورنەكتى تۇلعالارى:جازۋشى، جۋرناليست، قازاقستان جازۋشىلار، جۋرناليستەر وداعىنىڭ مۇشەسى، حالىقارالىق «الاش» سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى – كادىربەك سەگىزبايەۆ،اقىن، اۋدارماشى، كوسەمسوزشى، قازاقستان جازۋشىلار وداعىنىڭ مۇشەسى – قۋانىشباي قۇرمانعاليقاتىسىپ، مەرەيتوي يەسىنىڭ ونەگەلى ءومىر جولى مەن شىعارماشىلىعى جايلى وي ءبولىستى. سونىمەن قاتار، جوعارى وقۋ ورنىنىڭ ستۋدەنتتەرى مەن كىتاپحانانىڭ وقىرماندارى قاتىستى.

ەكراننان ارنايى دايىندالعان «ماڭگىلىك ماحاببات جىرشىسى» اتتى سلايد-پرەزەنتاسيا، بەينەباياندار كورسەتىلىپ تۇردى. «سىرلى سەزىم سۋرەتكەرى» اتتى كىتاپ جايماسى ۇيىمداستىرىلىپ، كىتاپحانا قىزمەتكەرلەرى كورمەگە شولۋ جاساپ ءوتتى.

جان تەبىرەنتەر سىرباز، سۇلۋ ايەلدەر وبرازدار گالەرەياسىن جاساپ، شارپىسقان قۇشتارلىق، قاسىرەتتى قيماستىق ارقىلى ءومىردىڭ قۋانىشى مەن تاعدىرلار تراگەدياسىن بارىنشا شىنشىلدىقپەن بەدەرلەپ جۇرگەن سۇيىكتى جازۋشىمىزدى قازىرگى تاڭدا قالىڭ وقىرمانى «قازاقتىڭ موپاسسانى»، «ماحاببات جىرشىسى»، «سىرلى سەزىم سۋرەتكەرى»، «ايەل جانىنىڭ زەرگەرى» دەپ اتاپ كەتتى. «كۇتۋمەن وتكەن عۇمىر»، «ەرلى-زايىپتىلار»، «جاۋ جاعادان العاندا»، «ءبىر وكىنىش، ءبىر ءۇمىت»، «كىنالى ماحاببات»، «وزەندەر ورنەكتەگەن ولكە» جانە ت.ب. كوركەمدىك كورىگىنەن شىڭدالىپ شىققان شىمىر دا شۇرايلى شىعارمالارى وقىرماندارىنىڭ زور سۇيىسپەنشىلىگىنە يە بولىپ، ادەبيەتىمىزدىڭ التىن قورىنا قوسىلعان قۇندى مۇرا بولىپ تابىلادى.

كىتاپحانالىق بەنەفيستى مەرەيتوي يەسىبەكسۇلتان نۇرجەكە ۇلىءوزى اشىپ، وقىرماندار الدىندا ءوزىنىڭ ءومىر بەلەستەرى مەن شىعارماشىلىققا كەلۋ جولى جايلى سىر شەرتتى. «مەنىڭ بۇگىنگى باعىندىرعان بەلەسىم – ول كوپ وقىپ، بىلگەنىمنىڭ ارقاسى. بارلىق ىزگىلىكتىڭ باستاۋى – ول ءبىلىم. سوندىقتان دا جاستار، ۋاقىتتارىڭدى بوس ەرمەكپەن وتكىزبەڭدەر. كىتاپ وقىڭدار» - دەپ، جاستارعا اعالىق اقىلىن ايتىپ، جول كورسەتتى. ومىرلىك جان دوسىقۋانىشباي قۇرمانعالي: «بەكسۇلتاننىڭ قالام تەربەپ جۇرگەن تاقىرىبى تەك ماحاببات، سەزىممەن عانا شەكتەلمەيدى. ول تاريحي روماندار دا جازىپ، شىڭعىس حاننىڭ ءومىرىن زەرتتەپ ءجۇر. سونداي-اق، اۋدارما سالاسىنا دا وزىندىك ۇلەسىن قوسىپ جۇرگەن قالامگەر» - دەپ، جازۋشىنىڭ سان قيلى تالانت يەسى ەكەندىگىنە كوزىمىزدى جەتكىزىپ كەتتى.

قالامگەردىڭ زامانداسى قۋانىشباي قۇرمانعاليءوز ونەرىن وزگەلەرگە مويىنداتا بىلگەن قارىمدى قالامگەردىڭ شىعارمالارىنىڭ مازمۇنىنا تەرەڭ توقتالىپ، سارالاپ ءوتتى. كىتاپحانانىڭ تۇراقتى وقىرمانى تەلەۋعالي تايمان بەكسۇلتان ىنىسىنە دەگەن ءوزىنىڭ اعالىق لەبىزىن ءبىلدىرىپ كەتتى.

«ايەل جارىقتىق – ءفاني دۇنيەنىڭ جالعىز جۇماعى. ونداي ءتاتتىنى تاتۋ از، وعان تابىنۋ كەرەك» - دەپ اعىنان جارىلعان سىرلى سەزىم سۋرەتكەرىنە كىتاپحانا وقىرماندارى وزدەرىن قىزىقتىرىپ، تولعاندىرىپ جۇرگەن كوكەيلەرىندەگى سۇراقتارىن قويىپ، جازۋشىنىڭ شىعارماشىلىعى تۋرالى قۇندى  مالىمەتتەر  الدى.

         وقىرمانداردىڭ ۇتىمدى ساۋالدارىنا كەش قوناقتارىنىڭ تاراپىنان ۇتقىر جاۋاپتار بەرىلىپ وتىردى. 

 مۇقاعالي ماقاتايەۆ اتىنداعى №140 مەكتەپ-گيمنازياسىنىڭ وقۋشىلارى: نۇراحمەت مەدينا، ازامات قىزى ايداي، شين ءامينا، جايىروۆا نۇريلا، بەك ۇلى ۇپىلمالىك پەنجوعارى وقۋ ورنىنىڭ ستۋدەنتتەرى: سايلاۋ سىمبات، قارابەكوۆ اسلانبەك، ءىلياس ايدىن، ارگيمبەكوۆ باكتياربەكسۇلتان اعانىڭ شىعارماشىلىعى بويىنشا «سيقىرلى سەزىمدەر سيمفونياسى» اتتى ادەبي-سازدى كومپوزيسياسىن ۇسىنىپ، كورەرمەندەردىڭ ىستىق ىقىلاسىنا بولەندى.

الماتى ۋنيۆەرسيتەتىنىڭ 3 كۋرس ستۋدەنتى تارىباي بوتاكوز جازۋشىعا وسى مادەني شارا اياسىندا شىعارعان ءوزىنىڭ ارناۋىن وقىپ، جىردان شاشۋ شاشتى.

سونداي-اق، چايكوۆسكيي اتىنداعى مۋزىكالىق كوللەدجدىڭ، الماتى ۋنيۆەرسيتەتىنىڭ، الماتى پوليگرافيلىق كوللەدجىنىڭانمەن سۋسىنداپ وسكەن دارىندى ونەرپازدارى: قادىرباي نۇرداۋلەت، كۋتكۋجينا تولقىن، ناسىر ەرسىن، قاستەي ايدوس مەرەيتوي يەسىنىڭ قۇرمەتىنە ليريكالىق اسەم اندەر ورىنداپ، كەش مەرەيىن ۇستەم ەتتى.

ادەبي-سازدى بەنەفيس كەشتىڭ سوڭىندا كىتاپحانا ۇجىمى ءقادىرلى قوناقتارعا ەستەلىك سىيلىقتار بەرىپ، جىلى لەبىزدەرىنبىلدىردى.وقىرماندار دا سۇيىكتى جازۋشىلارىنان قولتاڭبا الىپ، ەستەلىك سۋرەتكە ءتۇسىپ جاتتى.

ادام بالاسىنا عانا ءتان ەڭ سۇلۋ، ەڭ سيقىرلى دا سىرلى سەزىمدەردى ءوزىنىڭ شىعارماشىلىعىنا ارقاۋ ەتكەن جازۋشىنىڭ وقىرمانى ەشقاشان ازايعان ەمەس.ادەبيەتتىڭ بىرنەشە جانرىندا كوسىلە قالام تەربەپ جۇرگەن بولمىسى بولەك، اسا تالانتتى جازۋشىمىز وقىرماندارىن ءالى دە تىڭ تۋىندىلارىمەن قۋانتا بەرسىن دەگەن نيەت بار بارشامىزدا.

ايگەرىم حامەتوۆا، ا

لماتى قالاسى №4 كىتاپحانا-بولىمشەسىنىڭ كىتاپحاناشىسى