مۇمكىن سىزدەر ەستىپ جۇرگەن بولارسىزدار، تەحنيكالىق جەتىستىگىمەن جۇڭگو ينتەرنەتىندە ورنى وزگەلەردەن بولەك، اتى الەمگە ايگىلى Baidu، Alibaba جانە Tencent سىندى كومپانيالار بار. بۇلاردى قىتايدا قىسقارتىپ BAT دەپ اتايدى.

ال، بۇگىنگى سوزگە تيەك بولار باستى تاقىرىپ، ءۇش كومپانيانىڭ قالاي بارلىققا كەلۋى، جۋڭگودا ءتىپتى دۇنيە عالامتورىندا قانشالىق دارەجەدە ىقپالدى ەكەنى ەمەس، قايتا ولاردىڭ كوتەرگەن تاقىرىبى جانە بولاشاق جوسپارى جايلى بولماق.

ءبىرىنشى Baidu كامپانياسى

كاومپانيا لي يانحۇڭنىڭ جەتەكشىلىگىندە. باستى جۇمىس ءتۇرى عالامتورلىق ىزدەۋ. قازىرگى جانە بولاشاقتا كوزدە ۇستاعان ماقساتى: «بايدۋ روبوتى» [百度大脑] ؛

نەگىزگى ءرولى وسى زامانعى اقپاراتتىق تەحنيكاسىنان پايدالانىپ، جاساندى زەردەنى بارىنشا دامىتۋ؛ ماشينالىق ۇيرەنۋ (ماشينانى وزدىگىنەن ۇيرەنۋ ارقىلى كەمەلدەنۋ) مەن جاساندى زەيىن ارقىلى ادامداردىڭ عالامتوردان قاجەتتى اقپاراتتى الۋ ساپاسىن ارتتىرۋ جانە باسقا سالاعا قوسالقى قىزمەت كورسەتۋ. بايدۋ ماماندارىنىڭ ايتۋىنشا بايدۋ روبوتى 3-4 جاس شاماسىنداعى ءسابيدىڭ اقىل-ويىمەن پارا-پار.

ەكىنشى Alibaba كامپانياسى

كومپانيا دجەك مانىڭ (ما يۇڭ) جەتەكشىلىگىندە. باستى جۇمىسى عالامتورلىق ساۋدا ورتاسىن قۇرۋ مەن دامىتۋ جانە عالامتورلىق اقشا ايىرباسى (اقشا ايىرباسىن عالامتور ارقىلى جىلدام ىسكە اسىرۋ) . باستاپقىدا «الەمدە ىستەۋگە بولمايتىن قيىن ساۋدا جوق!» دەپ ۇران سالعان بولاتىن.

ال، قازىرگى تاقىرىبى: دەرەكتىك ءداۋىر (ينتەرنەت ارقىلى جينالعان وراسان زور ساندى مالىمەتتەردى تالداۋ، سارالاۋ، ساراپتاۋ ارقىلى بولاشاقتى بولجاۋ) .

مۇمكىن ءسىز ەستىگەن بولارسىز، Alibabaنىڭ 2015 جىلعى «قوس 11» كۇنى (قىتايدا ءار جىلدىڭ 11-قارشا كۇنى توردان زات ساتىپ الۋدىڭ دۋماندى كۇنى دەپ جاريالانعان) ينتەرنەتتىك ساۋدا ايىرباسى 91 ميلليارد 217 ميلليون يۋان بولعان (ەسكەرىڭىز، بۇل تەك 24 ساعات ىشىندە بولعان ساۋدا). بۇنىڭ 68 پايىزى زەردەلى قول تەلەفون ارقىلى جاسالعان.

ءۇشىنشىسى Tencent كومپانياسى

كومپانيا پوني مانىڭ (ما حۋاتىڭ) جەتەكشىلىگىندە. باستاپقىدا عالامتورلىق حابارلاسۋ قۇرالى QQ جەلىسى ارقىلى كوپكە تانىلعان. سونىمەن قوسا، ينتەرنەتتىك ويىن، بلوگ جانە الەۋمەتتىك جەلى ونىمدەرى ارقىلى حالىقتى وزىنە باۋراپ العان. ال، بۇگىنگى كۇندە Wechat ارقىلى عالامتورداعى مىقتىلاردىڭ بىرەگەيىنە اينالعان.

قازىرگى كوتەرگەن تاقىرىبى: «جالعاۋ». ياعني، قاراپايىم سوبەن تۇسىندىرگەندە - «ارامىزدى عالامتور جالعاسىن». ينتەرنەت جەلىسى ارقىلى ادام مەن ادام اراسىن جالعاپ قانا قويماي، كەلەشەكتە ماتەريالدىق دۇنيەلەر مەن الەمدىك جەلى اراسىندا بايلانىس ورناتۋ (IoT).

قازىرگى تاڭدا جۇڭگو ينتەرنەتى قولدانۋشىلارى ۋاقىتىنىڭ 60-70 پايىزىن BAT سايتتارىنا جۇمسايدى ەكەن.

ەگەر دە ءۇش كومپانيانى ءبىر تۇلعا دەپ ەسەپتەيتىن بولساق، وندا ولار ونلاين وقىتۋ، ءبىلىم الۋ، عالامتورلىق ىزدەۋ، ينفورماسيا قابىلداۋ، ادامدار قارىم-قاتىناسى، اقشا اينالىمى، ويىن، كوڭىل-اشار، كينو سالاسى، دەنساۋلىق ساقتاۋ، ساياحات، ەلەكتروندى ساۋدا، جاڭا مەديا، ت.ب.  سالالارعا قاتىستى جۇمىس ىستەيدى.  

ءتالىپ ءنۇسىپ ۇلى،

IT مامانى، Kazakhsoft.com سايتىنىڭ جەتەكشىسى