"الاۋىزدىق تۋدىردى" دەگەن ايىپپەن ءۇش جىلعا سوتتالعان ازاماتتىق بەلسەندى ەرمەك نارىمبايەۆقا قاتىستى بۇلتارتپاۋ شاراسى وزگەرتىلدى، - دەپ حابارلايدى «قامشى» پورتالى ازاتتىققا سىلتەمە جاساپ.

«ازاتتىققا» بۇل تۋرالى ەرمەك نارىمبايەۆتىڭ جۇبايى زويا نارىمبايەۆا ايتقان. نارىمبايەۆقا قاتىستى بۇلتارتپاۋ شاراسىن وزگەرتۋ تۋرالى سوت وتىرىسى بۇگىن تۇستە وتكەن. سوت شەشىمىمەن ەرمەك نارىمبايەۆقا قاتىستى بۇلتارتپاۋ شاراسى وزگەرتىلىپ، ول ۋاقىتشا ۇستاۋ يزولياتورىنان ەشقايدا كەتپەۋ تۋرالى قولحاتپەن ۇيىنە جىبەرىلگەن.

ول 18 قاڭتاردان بەرى تەرگەۋ يزولياتورىندا اشتىق جاريالاپ جاتقان بولاتىن. 

ەستەرىڭىزگە سالساق، مۇرات تەلىبەكوۆتىڭ «ۆەتەر س ۋليسى» كىتابىنىڭ ءۇزىندىسىن جاريالاعانى ءۇشىن قوعامدىق بەلسەندىلەر ەرمەك نارىمبايەۆ پەن سەرىكجان ماسبەتالين «الاۋىزدىق تۋعىزدى» دەپ ايىپتالىپ، ە. نارىمبايەۆ ءۇش جىل، س. مامبەتالين ەكى جىلعا باس بوستاندىعىنان ايرىلعان ەدى. وسىعان دەيىن س. مامبەتالين ءوز كىناسىن مويىنداپ مالىمدەمە جاساعان سوڭ ول اپپەلياسيالىق سوت شەشىمى شىققانشا قاماۋدان بوساتىلعان ەدى.