قازاقستاندىق جاس رەجيسسەر نۇرتاس ادامباي «تاراز» ءفيلمىنىڭ تۇسىرىلىمىنە كىرىستى، - دەپ حابارلايدى «قامشى» پورتالى zhambylnews.kz – كە سىلتەمە جاساپ.

«ءسابينا كەلىن-2» ءفيلمىنىڭ پرەمەراسىن وتكىزە سالا رەجيسسەر كەلەسى جۇمىستى باستاپ كەتكەن. بۇگىندە ول ءوزىنىڭ تۋعان قالاسىندا جاڭا كارتينانىڭ ءتۇسىرىلىمىن جۇرگىزۋدە.

تاراز قالاسى تۋرالى كينوعا قىلمىس الەمىنىڭ قىر-سىرى، بۇزاقىلاردىڭ توبەلەستەرى مەن قالانىڭ بىلايعى جۇرتقا بەيمالىم ءومىرى ارقاۋ بولاتىن كورىنەدى. ال، بۇل فيلمدە نۇرتاستىڭ ءوزى قانداي ءرول سومدايتىنى ازىرگە بەلگىسىز بولىپ وتىر.

«تارازدىڭ» تۇساۋكەسەرى وسى كۇزگە جوسپارلانۋدا.

"كۇز نەمەسە قىس ايلارىندا ءفيلمنىڭ پرەمەراسىن وتكىزەمىز دەگەن جوسپارىمىز بار. جىلدىڭ اياعىنا دەيىن كورەرمەندەردىڭ نازارىنا ۇسىنامىز"، - دەيدى نۇرتاس ادامباي