وتاندىق عالىم، ءادىل قورزابايەۆ كاسپيي تەڭىزىندە سۋ پەرىسىنىڭ (رۋسالكا) بولۋى مۇمكىندىگىنە قاتىستى جيناقتاعان دەرەكتەرى جونىندە ءوزىنىڭ پايىمدارىمەن بولىسەدى، - دەپ جازادى قازاقپارات «قازاقستان» ارناسىنا سىلتەمە جاساپ.

عالىمنىڭ كۋاگەرلەردىڭ سوزدەرىنە سۇيەنە وتىرىپ جاساعان پايىمىنشا، كاسپيي تەڭىزىندە سۋ پەرىسى (رۋسالكا) ءجۇر. ول براكونەرلەرگە شابۋىل جاساعان. ونى كورگەن مۇنايشىلار دا بار كورىنەدى.   

كەزىندە ءتىپتى، وسى جۇمباق ءومىر يەسىن تابۋ ءۇشىن كاسپييگە جاك-يۆ كۋستونىڭ ءوزى كەلگەن. ماقالا كاسپيي تەڭىزىنىڭ جاعاسىنداعى قالادا ءوزىنىڭ جاستىق شاعىن وتكىزگەن ازەربايجاندىق عالىم سامەد اليوگلىنىڭ بىزگە جۇمباق تىرشىلىك يەسىن كورگەندىگى جونىندەگى اڭگىمەسىنەن باستالادى.

ونىڭ سوزىنشە، سۋ پەرىسى بالىقتاردىڭ اراسىندا ءجۇزىپ جۇرگەن، ال بالىقتاردىڭ شوعىرى پەرى قالاي بۇرىلسا، سولاي قاراي جۇزەتىن بولعان.

«ازەربايجاننىڭ وزگە عالىمدارى مەن يراندىقتار ەلدىڭ كۇلكىسىنە قالماۋ ءۇشىن ءۇنسىز وتىرعاندا بۇل وقيعانى ماعان ازەربايجاندىق عالىم سامەد الي وگلۋ دجافاروۆ ايتىپ بەردى»،-دەيدى زەرتتەۋشى ءادىل قورزابايەۆ. 

ونىڭ سوزىنشە، شىنداپ كەلگەندە يراندىقتار سۋ پەرىسىنىڭ بار ەكەندىگىنەن ەش كۇماندانبايدى جانە بۇل تەك ۇلتتىق فولكلوردىڭ ەلەمەنتتەرى عانا ەمەس، كادىمگى ادامداردىڭ كوزبەن كورىپ، كۋاسى بولعان دۇنيەلەر. كاسپييدىڭ كونتينەنتتەردىڭ قالىپتاسا باستاعان مىڭداعان جىلدار بۇرىن پايدا بولعاندىعىن ەسكەرسەك، بۇل اڭگىمەنىڭ جانى بار. ونىڭ ۇستىنە، كاسپيي - تۇيىق ەكوجۇيە. سول سەبەپتى، ونداعى ەۆوليۋسيا دا مۇلدەم باسقا جولمەن دامۋى مۇمكىن. ياعني، مۇندا ادام-بالىقتاردىڭ بولۋى ابدەن مۇمكىن.   

عالىم سامەد الي دجافاروۆ كۋاگەرلەر مەن كوزكورگەندەردىڭ سوزدەرى بويىنشا، كاسپييدەگى سۋ پەرىسىنىڭ كەسكىن-كەلبەتىن ناقتى بايانداپ بەرگەن. ياعني ونىڭ ءتۇسى جىلتىراعان كوكشىل، ال ۇزىن شاشىنىڭ ءتۇسى قويۋ جاسىل بولعان.  سونىمەن قاتار، پەرىنىڭ ادامداردىڭ الاقانىنا ۇقسايتىن 4 ساۋساعى بار.

ازەرباجاندىق عالىم سۋ پەرىسىنە قاتىستى وزگە دە ءبىرقاتار قىزىقتى دەرەكتەر تۋرالى ايتادى. «سوڭعى ۋاقىتتا پەرىلەردىڭ سۋرەتتەرى كوپتەپ جاريالانا باستادى»، - دەيدى ءادىل قورازبايەۆ.

ازەربايجاندىق عالىمنىڭ پىكىرىنشە، بۇعان كاسپييدىڭ ەكولوگيالىق جاعدايىنىڭ ناشارلاۋى سەبەپ.

ماقالادان سۋ پەرىسىنىڭ براكونەرلەرگە شابۋىلدايتىندىعى، ءتىپتى وسىنداي جايدىڭ كۋاسى بولعان ازاماتتاردىڭ بار ەكەندىگى جونىندە باياندالادى.