ەلىمىزدە ينتەرنەتتەگى ساۋدا قىزىپ تۇر، - دەپ حابارلايدى «قامشى» پورتالى businessnews.kz – كە سىلتەمە جاساپ.

قازاقستاننىڭ يننەرنەت بيزنەسى جانە ۇيالى ساۋدا اسسوسياسياسى ونلاين دۇكەندەردىڭ، قوسىمشالاردىڭ رەيتينگىن انىقتاپ وتىرادى. ولاردىڭ سوڭعى جۇرگىزگەن زەرتتەۋلەرى بويىنشا عالامتور ارقىلى تاپسىرىس بەرەتىندەردىڭ دەنى 23 پەن 40 جاس ارالىعىندا ەكەن. جىنىس جاعىنان قولدانۋشىلار تەڭدەي. تەك، كەيبىر دۇكەندەردە ايقىن باسىمدىق بىلىنەدى. ماسەلەن، lamoda.kz تۇتىنۋشىلارىنىڭ 70 پايىزى – ايەلدەر، قالعان 30 پايىزى – ەر ادامدار.

سول سياقتى، كولىك، قۇرىلىس زاتتارىن ساتاتىن دۇكەندەردەگى ەر ادامدار باسىم. ال، ءوڭىر جاعىنان وق بويى وزىق تۇرعان قالا – الماتى (40%). ودان كەيىن استانا (30%)، قاراعاندى (12%) حالقى بەلسەندى كەلەدى. قالعان 18 پايىز 13 ءوڭىردىڭ ۇلەسىنە تيەسىلى. اسسوسياسيالىقتار باتىس، وڭتۇستىك وڭىرلەردىڭ بەلسەندىلىگى تىم تومەن ەكەندىگىن ايتادى.

 قازاقستاننىڭ الپاۋىت ينتەرنەت كومپانيالارىنىڭ وندىعىن تىزەتىن بولساق، سوڭعى ورىنعا qiwi.kz تابان تىرەيدى. ال،توعىزىنشى – kolesa.kz، سەگىزىنشى – epay.railways.kz، جەتىنشى – sulpak.kz، التىنشى – halykpay.kz، بەسىنشى – kassa24.kz.