قازاقستان رەسپۋبليكاسىنىڭ قارۋلى كۇشتەرى وتان قورعاۋشىلار كۇنىنە ارنالعان اكسيانى باستالدى. ەر ازاماتتاردى 7 مامىر مەرەكەسىمەن قۇتتىقتاۋ ءۇشىن جاي عانا ءوزىڭنىڭ پاراقشاڭدا مەرەكەلىك اكۆاگريم بار ۆيدەو نەمەسە فوتونى ورنالاستىرىپ، سەلفي جاساپ نەمەسە شاعىن ۆيدەو ءتۇسىرۋ جەتكىلىكتى، - دەپ حابارلايدى «قامشى» پورتالى ۆەدومستۆونىڭ باسپا ءسوز قىزمەتىنە سىلتەمە جاساپ. 

اكسيا #kzarmy جانە #7مامىر حەشتەگىمەن الەۋمەتتىك جەلىلەردە باستاۋ الادى.

كەز كەلگەن قالاعان ادام الەۋمەتتىك جەلىلەردە فوتو نەمەسە ۆيدەوسىمەن ءبولىسىپ،  تۋعان-تۋىسقاندارىنا، دوستارىنا جانە ارىپتەستەرىنە قۇتتىقتاۋ گريمىنىڭ ەستافەتاسىن ۇسىنا الادى. اكۆاگريم مەيرام سيمۆولى تۇرىندە ورىندالىپ، قولعا سالىنۋى ءتيىس.

بۇل يدەيانى قولداپ، قورعاۋشىلارىمىزدى ايرىقشا «جاۋىنگەرلىك بوياۋمەن» بوياپ، قۇتتىقتاعانداردىڭ اراسىندا العاشقىلاردىڭ ءبىرى قازاقستاندىق ەسترادا جۇلدىزدارى  روزا رىمبايەۆا، ايگۇل يمانبايەۆا، تامارا اسار، مايرا ءىلياسوۆا، سەرىك يبراگيموۆ، تەلەجۇرگىزۋشى ءلايلا سۇلتان قىزى جانە تاعى باسقالار  بولدى.

وتان قورعاۋشىلار كۇنى قارساڭىندا بارشا ەل وسىناۋ ماڭىزدى مەملەكەتتىك مەرەكەنى كەڭىنەن اتاپ وتەتىنىن ايتا كەتەيىك.  اسكەري بولىمدەر مەن بولىمشەلەردە سالتاناتتى ساپ تۇزەۋلەر وتكىزىلىپ، جاۋىنگەرلىك جانە وقۋ-جاتتىعۋ دايارلىقتارىندا ەرەكشە كوزگە تۇسكەن ازاماتتاردى ماراپاتتالادى. سوعىس جانە ەڭبەك ارداگەرلەرىنە ەرەكشە قۇرمەت كورسەتىلىپ، ولاردىڭ قاتىسۋىمەن مەكتەپ وقۋشىلارىنا ارناپ ەرلىك ساباقتارى وتكىزىلەدى. ءبىلىم بەرۋ مەكەمەلەرىندە مەرەكەلىك ەرتەڭگىلىكتەر، بايقاۋلار، اسكەري-قولدانبالى سپورت تۇرلەرىنەن جارىستار، سونداي-اق سالتاناتتى ساپ تۇزەۋلەر وتكىزىلەدى.

بيىل  وتان قورعاۋشىلار كۇنى 2016 جىلدىڭ تاريحي  اتاۋلى داتاسى – قازاقستاننىڭ مەملەكەتتىك تاۋەلسىزدىگىنىڭ 25 جىلدىعى جانە «ماڭگىلىك ەل» تۇعىرى – قۋاتتى ارميا!» ءبىرىڭعاي ۇرانى  اياسىندا وتەدى.