ماڭعىستاۋلىق پوليسەيلەر «ايەل زورلادى» دەگەن ايىپ بويىنشا 26 جاستاعى جىگىتكە قارسى قىلمىستىق ءىس قوزعادى، - دەپ حابارلايدى «قامشى» پورتالى halyknews.kz – كە سىلتەمە جاساپ.

قۇزىرلى ورىنداردىڭ مالىمدەۋىنشە، بۇل وقيعا وتكەن اپتانىڭ اياعىندا، مۇنايلى اۋدانىندا ورىن العان. باسقۇدىق اۋىلىندا تۇراتىن 26 جاسار بويجەتكەن، تانىستىق سايتتارى ارقىلى ءبىر جىگىتپەن تانىسادى. ول كەيىننەن الگى جىگىتپەن كەزدەسكەنىن، سول كەزدە ونىڭ ءوزىن زورلاعانىن ايتىپ، پوليسياعا شاعىمدانعان.

جابىرلەنۋىشىنىڭ سوزىنە قاراعاندا، بەرىك ەسىمدى جىگىت ونىمەن كەزدەسۋگە  «لادا» اۆتوكولىگىن ءمىنىپ كەلگەن دە، سول كولىكتىڭ ىشىندە، ونىڭ ابىرويىن توككەن.

وسى فاكت بويىنشا، بەينەۋدە تۇراتىن 26 جاسار جىگىت ۇستالدى. ول جاڭا تانىسى ەكەۋىنىڭ اراسىندا ينتيمدىك قاتىناس بولعانىن جوققا شىعارمايدى. ءبىراق ءوزىنىڭ زورلىق جاساماعانىن، ءبارى قىزدىڭ ىقتيارىمەن بولعان ءىس ەكەنىن ايتىپ وتىر. ەندى ءىستىڭ اق-قاراسىن تەرگەۋ انىقتايدى.