تۇرەگەپ تۇرىپ ساباق وقۋ الدەقايدا ناتيجەلى ءبىلىم الۋعا مۇمكىندىك بەرەدى. جاڭا زەرتتەۋ جاساعان ماماندار وسىنداي قورىتىندىعا كەلدى، - دەپ جازادى قازاقپارات planet-today.ru-عا سىلتەمە جاساپ.
عالىمدار تۇرەگەپ تۇرىپ ءبىلىم الۋعا ارنالعان پارتالار بالالاردىڭ كوگنيتيۆتىك فۋنكسيالارىن 7%-دان 14%-عا دەيىن ارتتىراتىنىن انىقتادى. بۇل وقۋشىلاردىڭ ءبىلىم الۋ ساعاتىن ارتتىرۋعا جول اشادى.
زەرتتەۋشىلەر تۇرىپ ءبىلىم الاتىن پارتالاردى پايدالانعان كەزدە بالالار تاپسىرمانى الدەقايدا ءساتتى ورىندايتىنىن انىقتادى. بۇل ساباقتا زەيىندى الدەقايدا ارتتىرعان.
تەحاس ۋنيۆەرسيتەتىنىڭ قورشاعان ورتا جانە ەڭبەك گيگيەناسى بويىنشا مامانى رانجانا مەحتا مەكتەپتەردە تۇرەگەپ تۇرىپ ءبىلىم الاتىن پارتالار پايدالانىلۋى كەرەك ەكەنىن ايتتى. ونىڭ ويىنشا، بۇل بالالار اراسىنداعى سەمىزدىكپەن كۇرەستىڭ ءبىر امالى.
ەرگونوميكا بويىنشا مامان مارك بەندەننىڭ ايتۋىنشا، مۇنداي ۇستەلدە ءبىلىم العان وقۋشىلاردىڭ تاپسىرما ورىنداۋعا قاتىسۋ كورسەتكىشى 12%-عا جاقسارعان.
