سايتىمىزدا «باقتى» بەكەتىنەن ءوتۋ كەزىندە قىتايدان كەلە جاتقان قازاق ازاماتىنىڭ 10 مىڭ دوللار اكەلە جاتقان قازاق قارياسىنىڭ اقشاسىن الىپ قويۋ وقيعاسى تۋرالى جازعان بولاتىنبىز.

وسىعان بايلانىستى رەداكسيامىزعا ق ر قارجى مينيسترلىگى مەملەكەتتىك كىرىستەر كوميتەتىنەن جاۋاپ حات كەلدى. كوميتەتتەن كەلگەن حاتتا ماقالادا ايتىلعان وقيعانىڭ 2016 جىلعى 26 ناۋرىز كۇنى بولعانى، شەكارادان وتكەن 1948 جىلى تۋعان قحر ازاماتىنىڭ قالتاسىنان 10 مىڭ اقش دوللارى، 40 مىڭ تەڭگە جانە 1535 يۋان تابىلعانى جازىلعان. الايدا، ول اقشانى كەدەنشىلەر ەمەس شەكارا بەكەتىنىڭ قىزمەتشىلەرى، ياعني شەكارا قىزمەتىنىڭ اسكەري قىزمەتشىلەرى تاركىلەگەنى ايتىلادى. كىرىس كوميتەتىنەن كەلگەن حاتتا سونداي-اق، شەتەل ازاماتىنىڭ اقشاسىن تاركىلەۋ بەلگىلەنگەن نۇسقاۋلىقتاردى بۇزا وتىرىپ، جولاۋشىلار تەرمينالىندا كەدەندىك باقىلاۋ اياقتالعاننان سوڭ جۇرگىزىلگەنى جازىلعان. شەكاراشىلار تاراپىنان بەلگىلەنگەن ەرەجەنى بۇزۋ وقيعاسى تۋرالى ارنايى جازبا تىركەلىپ، ءتيىستى ورگاندار قۇلاقتاندىرىلعان كورىنەدى.

اتالعان ءىس بويىنشا ماتەريالدار پروسەسسۋالدىق شەشىم شىعارۋ ءۇشىن ق ر ءىىم شىعىس وڭىرلىك اسكەري-تەرگەۋ باسقارماسىنىڭ اياگوز بولىمشەسىنە جىبەرىلگەن. «قامشى» پورتالى وسى وقيعانىڭ بۇدان ءارى قالاي ءوربيتىنىن نازارىندا ۇستايتىنىن ەسكەرتەمىز.