استاناداعى ۇلتتىق پانتەون قۇرىلىسىنا 79 ملرد تەڭگە بولىنگەن، - دەپ حابارلايدى Qamshy.kz «استانا» ارناسىنا سىلتەمە جاساپ.

جاڭا پانتەوننىڭ تەحنيكالىق ەكونوميكالىق نەگىزدەمەسىنىڭ جالپى سوماسى وسىنشا قاراجاتتى قۇراعان.

استاناداعى جاڭا زيرات قۇرىلىسىنا 12 ملرد تەڭگە جۇمسالماق. بۇل كەشەننىڭ العاشقى بولىگىنە كەتەتىن قارجى. كوكشەتاۋ باعىتىنداعى اينالما تاس جول ماڭىنان تۇسەتىن قورىمعا 460 گەكتار جەر بەرىلگەن. اتالعان قارجى سونىڭ 118 گەكتارىنا جۇمسالادى. وندا مۇسىلماندار مەن حريستيانداردى جەرلەيتىن بولەك ورىندار بولادى جانە مەموريالدى پارك تۇرعىزىلادى دەپ جوسپارلانعان. جەر تەلىمدەرىن اقمولا وبلىسىنان استانا قالاسىنىڭ بالانسىنا وتكىزۋ ءراسىمى جۇرگىزىلىپ جاتىر. 

تاعى ءبىر ءىرى اۋماقتى شاھاردان 17 شاقىرىم قاشىقتىقتاعى قابانباي باتىر اۋىلىنان قوسۋ قاراستىرىلعان. سونداي-اق ۇلتتىق پانتەوننىڭ قۇرىلىسى جالعاسادى. جەر قاتىناستارى باسقارماسىنىڭ اقپارىنا قاراعاندا، حالىقارالىق اۋەجايدىڭ تەرريتورياسى دا ءبىرشاما كەڭەيتىلەدى. ءسويتىپ، الداعى ۋاقىتتا استانا شاھارىنىڭ اۋماعى 80 مىڭ گەكتاردى قۇراماق. 

شىڭعىس بەكتەمىر، استانا قالاسى جەر قاتىناستارى باسقارماسىنىڭ ءبولىم باسشىسى: 

جالپى قوسىلاتىن جەرلەردىڭ اۋماعى 8719 گەكتار. ونىڭ ىشىندە 7300 گەكتار مايبالىق كولىنىڭ ماڭىندا، ياعني حالىقارالىق اۋەجايدىڭ ارتىندا ورنالاسقان جەرلەر. سونداي-اق، ق ر ۇلتتىق پانتەونى. جاڭا قالالىق زيرات. ول 460 گەكتار. ۇلتتىق پانتەون قابانباي باتىر اۋىلدىق وكرۋگىنىڭ ماڭىندا ورنالاسقان. ال جاڭا قالالىق زيراتقا كەلەتىن بولساق، ول تالاپكەر اۋىلىندا ورنالاسقان.