ەلىمىزدىڭ ىشكى ىستەر مينيسترلىگى وكىلدەرى زاڭعا قايشى مالىمەت تاراتۋ دەرەكتەرىن انىقتاۋ ءۇشىن ينتەرنەت-كەڭىستىكتى باقىلاۋعا العانىن مالىمدەدى، - دەپ حابارلايدى Qamshy.kz Tengrinews.kz – كە سىلتەمە جاساپ.
بۇل تۋرالى مينيسترلىكتىڭ مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ مالىمدەگەن.
«21 مامىردا ميتينگ وتكىزۋ تۋرالى وتىنىشتەرگە بايلانىستى وڭىرلەردە قاۋىپسىزدىك شارالارى كۇشەيتىلدى مە؟» دەگەن سۇراققا ۆەدومستۆو وكىلدەرى قۇقىق قورعاۋ ورگاندارىنىڭ وڭىرلەردەگى تۇراقتىلىقتى ساقتاۋعا، سونىمەن قاتار ەلدە قاجەتتى ءتارتىپ پەن قاۋىپسىزدىكتى ساقتاۋعا ءاردايىم شارالار جۇرگىزەتىنىن ايتىپ، جاۋاپ قاتتى.
«ءوز قۇزىرىنىڭ اياسىندا زاڭعا قايشى مالىمەتتەردىڭ الەۋمەتتىك جەلىلەردە جانە مەسسەندجەرلەردە تاراتۋعا، ونىڭ ىشىندە الەۋمەتتىك، ۇلتتىق جانە باسقا دا ارازدىق تۋعىزۋعا قارسى شارالار كەشەنى جۇزەگە اسىرىلۋ ۇستىندە. ينتەرنەت-كەڭىستىگىندە زاڭعا قايشى مالىمەتتى انىقتاۋ ماقساتىندا ءجيى باقىلاۋ جۇرگىزىلىپ وتىرادى، ءاربىر دەرەك بويىنشا شارا جۇرگىزىلەدى. زاڭسىز اكسيالارعا قاتىسۋعا شاقىرۋ تۋرالى مالىمەتتى تاراتقاندار دا زاڭعا سايكەس جاۋاپقا تارتىلادى نەمەسە ولارمەن ءتۇسىندىرۋ جۇمىستارى جۇرگىزىلەدى”، - دەپ حابارلادى سادۋبايەۆ.
«ىشكى ىستەر مينيسترلىگى قازىرگى زاڭنىڭ نورمالارىندا رۇقسات ەتىلمەگەن اكسيالاردى ۇيىمداستىرۋشىلاردى، سونىمەن قاتار، الەۋمەتتىك، ۇلتتىق جانە باسقا دا ارازدىقتى قوزدىراتىن مالىمەتتى تاراتقانداردى اكىمشىلىك جانە قىلمىستىق جاۋاپكەرشىلىككە تارتۋدى قاراستىراتىنىن ەسكەرتەدى»، - دەدى ول.
سادۋبايەۆتىڭ ايتۋىنشا، «بۇگىندە ەلىمىزدە زاڭسىز ءادىس بولماسا بەيبىت جيىندار وتكىزۋگە جانە ءوز قالاۋى مەن پىكىرىن بىلدىرۋگە جاعداي جاسالعان. ماسەلەن، ق ر كونستيتۋسياسىنىڭ 32-بابىنا سايكەس ازاماتتار بەيبىت ءارى قارۋسىز جينالىپ، جيىن، ميتينگ، شەرۋ، توسقاۋىلدارعا تۇرۋعا حاقىلى».
«بۇل قۇقىقتى پايدالانۋ مەملەكەتتiك قاۋiپسiزدiك، قوعامدىق ءتارتiپ، دەنساۋلىق ساقتاۋ، باسقا ادامداردىڭ قۇقىقتارى مەن بوستاندىقتارىن قورعاۋ مۇددەلەرi ءۇشiن زاڭمەن شەكتەلۋi مۇمكiن. وسى زاڭنىڭ نورماسى بويىنشا بەيبىت اكسيالاردى وتكىزۋدىڭ جالعىز شارتى - الدىن الا جەرگىلىكتى اتقارۋشى بيلىگىنىڭ رۇقساتىن الۋ. بۇل رۇقساتتىڭ ءوزى قوعامدىق ورىنداردا جيىن مەن ميتينگ وتكىزۋگە عانا تالاپ ەتىلەدى، ال جابىق ورىنداردا ەشقانداي دا شەكتەۋلەر مەن تالاپتار جوق. زاڭناما ارقىلى بەكىتىلگەن ءتارتىپ قوعامدىق ءتارتىپتى، ازاماتتاردى قانداي دا ءبىر قاستاندىقتان ساقتاۋدى قامتاماسىز ەتۋ ءۇشىن قاجەت، سونىمەن قاتار باقىلانباعان اكسيالاردىڭ ناتيجەسىندە پايدا بولۋى مۇمكىن جاپپاي زاڭبۇزۋشىلىقتاردىڭ الدىن الۋ ءۇشىن قاجەت»، - دەدى ول.
ايتا كەتەيىك، الەۋمەتتىك جەلىلەردە ءار وڭىردە بەلسەندىلەردىڭ ۇستالىپ جاتقانى جايلى مالىمەتتەر تاراۋ ۇستىندە.
وسىعان دەيىن الماتى پروكۋرورى قالا اكىمىنىڭ جەر ماسەلەسى بويىنشا 21 مامىردا اكسيالاردى وتكىزۋ تۋرالى بەرىلگەن وتىنىشتەردى قاراستىرىپ، وعان تىيىم سالعانىن حابارلاپ، رۇقسات ەتىلمەگەن شەرۋگە شىعۋدىڭ زاڭعا قايشى ەكەنىن ەسكەرتكەن بولاتىن.
كەيىن ىشكى ىستەر ءمينيسترى بەيبىت ميتينگكە قاتىستى قاۋىپسىزدىك شارالارىنىڭ كۇشەيتىلۋى تۋرالى سۇراققا جاۋاپ بەرگەن ەدى. "ءبىز بارلىق شارانى قاداعالاپ وتىرمىز. مەنىڭ ويىمشا، ميتينگ وتكىزۋگە نەگىز بولاتىن بارلىق سۇراقتار شەشىلدى. مەملەكەتتىك كوميسسيا جۇمىس ىستەپ جاتىر. ميتينگ وتكىزۋدىڭ قاجەتتىلىگى جوق"، - دەگەن بولاتىن قاسىموۆ.
