الماتى وبلىسىنىڭ قاراوي اۋلىندا كوپىر قۇلادى، - دەپ حابارلايدى Qamshy.kz.

وبلىستىق توتەنشە جاعدايلار باسقارماسىنىڭ حابارلاۋىنشا، ىلە اۋدانىنىڭ ءورت ءسوندىرۋ بولىمىنە قاراوي اۋىلدىق وكرۋگى اكىمىنەن بۇگىن ساعات 9.28-تە اۋىل ىرگەسىندە اعىپ جاتقان قاسكەلەڭ وزەنىندەگى كوپىردىڭ قۇلاعاندىعى تۋرالى حابارلاما تۇسكەن.

وقيعا ورنىندا تج، اكىمدىك، پروكۋراتۋرا، تاعى باسقا مەملەكەتتىك ورگانداردىڭ وكىلدەرى جۇمىس ىستەۋدە.

«وقيعا ورنىندا كوپىر استىنداعى تىرەۋدىڭ شايىلۋىنا بايلانىستى كوپىردىڭ ءبىر بولىگى ورنىنان سىرعىپ، قۇلاعانى انىقتالدى. اپاتتان زارداپ شەككەندەر مەن قازا تاپقاندار جوق. بۇل كوپىر تەمىر-بەتون پليتالار مەن تىرەۋلەردەن 80 جىلدارى قۇراستىرىلعان»، - دەيدى الماتى وبلىسى ىلە اۋدانى تجب باستىعى انايات ءماسىموۆ.

سوڭعى كۇندەرى الماتى قالاسى مەن وبلىسى اۋماعىندا تولاسسىز جاۋعان جاڭبىر سالدارىنان وزەن سۋلارىنىڭ ارناسىنان تاسىپ جاتقانىن ەستەرىڭىزگە سالامىز.