پاۆلوداردا ءوز قىزىن زورلاپ كەلگەن پەدوفيلگە سوت ۇكىم شىعاردى. ەندى ول الداعى 20 جىلىن تەمىر توردىڭ ارعى جاعىندا وتكىزەدى، - دەپ حابارلايدى Qamshy.kz كتك ارناسىنا سىلتەمە جاساپ.

وقيعا ەكىباستۇز قالاسىندا بولعان. 42 جاستاعى ازعىن تۋعان قىزىن جىنىستىق قاتىناسقا تۇسۋگە ماجبۇرلەگەن. وسىلايشا 11 جاسىندا ءبىر گ ۇلى اشىلماعان جەتكىنشەكتى ەكى جىلعا جۋىق زورلاپتى. كەيىن ساباققا بارماي ۇيدە جاتىپ العان وقۋشى قىز بار شىندىقتى اجەسىنە جايىپ سالعان. مۇنى ەستىپ بىلگەن شەشەسى پوليسياعا ارىزدانادى. ارنايى ساراپتاما ەر ادامنىڭ اقىل-ەسى دۇرىس ەكەنىن كورسەتتى. ايۋاندىق ارەكەت جاساعان اكەنىڭ جەتىمدەر ۇيىندە تاربيەلەنگەنىن ايتا كەتەيىك. ازعىندى سوت 20 جىلعا قاتاڭ تارتىپتەگى اباقتىعا قاماۋ جازاسىنا كەستى. بۇعان قوسا تەرگەۋ كەزىندە جۇرگىزىلگەن ساراپتامالار ءۇشىن 600 مىڭ تەڭگە تولەۋگە مىندەتتەدى.

گۇلميرا تولەبايەۆا، پاۆلودار وبلىستىق پروكۋراتۋراسى باسقارماسىنىڭ اعا پروكۋرورى :

–سوتتالۋشى قىزىنا قول ۇشىن تيگىزبەگەنىن ايتىپ، كىناسىن مويىندامادى. تەرگەۋ كەزىندە، سونداي-اق سوت وتىرىستارىندى ءوزىن سالماقتى ۇستادى. ايەلىن ءجيى ۇرىپ سوققان. جۇمىستا دا ارىپتەستەرىمەن ءجيى سوزگە كەلگەن ەكەن.