ق ر قورعانىس مينيسترلىگىنىڭ وكىلدەرى الماتى ماڭىندا بتر-لاردىڭ نەگە جۇرگەنىن ايتتى، - دەپ حابارلايدى Qamshy.kz Tengrinews.kz – كە سىلتەمە جاساپ.

بۇگىن ءتۇرلى مەسسەندجەرلەردە بتر-لار لەگى الماتى-قاپشاعاي تاسجولىندا كەتىپ بارا جاتقانى تۇسىرىلگەن ۆيدەو تاراپ جاتىر. كەيبىر قولدانۋشىلار الماتىعا قوسىمشا تەحنيكانىڭ كىرىپ جاتقانىن ايتتى. ق ر قورعانىس مينيسترلىگىنىڭ باسپا ءسوز قىزمەتىنىڭ جەتەكشىسى جانار كولباچايەۆا بۇل تەحنيكالاردىڭ جوسپارلى وقۋ-جاتتىعۋدان قايتىپ كەلە جاتقانىن ايتتى.

«بۇل ۆيدەو 18 مامىردا، سارسەنبى كۇنى تۇسىرىلگەن. اسكەري تەحنيكانىڭ توعىز داناسى جوسپارلى جاۋىنگەرلىك دايىندىقتان كەلە جاتقان. تەحنيكانىڭ ءبىر بولىگى قاپشاعايعا قايتىپ كەلە جاتقان، قالعاندارى الماتىعا بەت العان ءساتى. ولار جاتتىعۋدان قايتىپ بارا جاتقان، بىزدە جوسپارلى وقۋ شارالارى ءجۇرىپ جاتىر. ولار اقتاۋدا 2015 جىلى بولعان جاعدايدىڭ قايتالانباۋى ءۇشىن (اۆت.: 2015 جىلدىڭ قىركۇيەگىندە اقتاۋدا جاتتىعۋ كەزىندە ءتورت بتر-80 سۋعا كەتكەن ەدى) بتر جەكە قۇرامىنىڭ جوسپارىن ورىندايدى، ولار بتر-مەن ءجۇزىپ ۇيرەنىپ جاتىر. بتر-لەرگە ارنالعان باسسەين زارەچنىيدا. بۇل بىتىمگەرلىك بريگاداسى. ولار جوسپارلى وقۋ-جاتتىعۋلاردان قايتىپ كەلە جاتقان"، - دەپ ءتۇسىندىردى كولباچايەۆا.

سونىمەن قاتار، كولباچايەۆا الماتىعا قوسىمشا اسكەري تەحنيكا كىرگىزىلىپ جاتىر دەلىنگەن مالىمەتتىڭ شىندىققا جاناسپايتىنىن حابارلادى.