قازىرگى پوليەتنيكالىق قازاقستان جاعدايىندا ەتنومادەني ۇردىستەردىڭ ەتنولوگيا سالاسىنداعى ءرولى ماڭىزدى. جۇزدەن استام ەتنوستار مەكەندەگەن قازاقستانداعى ەتنيكالىق پروسەستەر، ۇلتارالىق، ەتنوسارالىق قاتىناستار، ەتنوستىڭ الەۋمەتتىك-مادەني قالپىنىڭ جالپى جانە ەرەكشە ءتۇر-سيپاتى بىرتە-بىرتە دامىپ كەلە جاتىر. رەسپۋبليكا حالىقتارىنىڭ ەتنيكالىق جانە ەتنو-مادەني پروسەستەرىنىڭ ءوربۋ، دامۋ، قالىپتاسۋ ماسەلەلەرى تەوريالىق تۇرعىدان العاندا قازىرگى قوعامدا وزەكتى ماسەلەلەردىڭ ءبىرى بولىپ وتىر. سونىمەن قاتار اتالمىش كوپ اۋقىمدى ماسەلەگە قاتىستى ەتنيكالىق ىنتىماقتاستىق دامۋ، دامۋدىڭ ەرەكشە بەلگىلەرىن ايقىنداۋ، ەلىمىزدىڭ باستى مىندەتىنە اينالدى.

وسىعان وراي، ءال-فارابي اتىنداعى قازاق ۇلتتىق ۋنيۆەرسيتەتىندە وتاندىق تاريح عىلىمىنىڭ دامۋىنا ايتارلىقتاي ءوز ۇلەسىن قوسىپ كەلە جاتقان، تاريح عىلىمدارىنىڭ دوكتورى، پروفەسسور قالىش امانجول بورانباي ۇلىنىڭ التى بىردەي وقۋ قۇرالىنىڭ تۇساۋكەسەرى ءوتتى. اتالمىش ءىس-شاراعا: تاريح، ارحەولوگيا جانە ەتنولوگيا فاكۋلتەتىنىڭ دەكانى ءجۇمادىل ا. ق.،قازاق ۋنيۆەرسيتەتى باسپا ءىسىنىڭ ديرەكتورى اسان ا.ت.، فاكۋلتەت پروفەسسورلارى تولەۋبايەۆ ءا.ت.، ەلەۋوۆ م.ە.، كارىبايەۆ ب.ب.، مۇعالىمدەر جانە ستۋدەنتتەر قاتىستى. جيىندا قازىرگى قازاقستاننىڭ عىلىمي، ساياسي جانە الەۋمەتتىك جاعدايى تۋرالى ءسوز قوزعالدى.

«ءقازىر ءبىزدىڭ زەرتتەۋ جۇمىستارىمىز جايلى زەرتتەلگەن ماتەريالدار جوقتىڭ قاسى. ارتىمىزدان ءوسىپ كەلە جاتقان جاس-بۋىن وكىلدەرىنە، ەرتەڭگى كۇنى وقيتىن، ساۋاتىن اشاتىن، ءبىلىم دەڭگەيىن كوتەرەتىن ەڭبەكتەردىڭ نەعۇرلىم كوپ بولعانى، سوعۇرلىم وزىمىزگە جاقسى. سول سەبەپتى وسىندا وتىرعان ءاربىر پروفەسسور بولىپ، وسى تۇرعىدا اتسالىساتىن بولساق، رەسپۋبليكا دەڭگەيىندەگى ءبىلىم ساپاسىنىڭ ارتۋىنا قول جەتكىزەرىمىز انىق»، - دەپ اۆتور مىرزا اتاپ ءوتتى

جارىققا شىققان وقۋ قۇرالدارى:

1. رەپاتريانتى كازاحستانا: كازاحستان ۆ سيستەمە ترانسناسيونالنوي ميگراسيي ۆ ۋسلوۆياح گلوباليزاسيي؛

2. بيبليوگرافيچەسكيي سبورنيك رابوت ج. ك. تايماگامبەتوۆا ۆ سمي؛

3. پۋتي ينتەگراسيي ورالمانوۆ ۆ كازاحستانسكوە وبششەستۆو رەاليي ي ۆىزوۆى.(مونوگرافيا)؛

4. پولە ي سمىسلى سوسيوكۋلتۋرنوي ينتەگراسيي ەتنيچەسكيح رەپاتريانتوۆ(مونوگرافيا)؛

5. قازاق حالقىنىڭ ەتنوگەنەزى مەن ەتنيكالىق تاريحى؛

6. ەتنولوگيانىڭ ىرگەلى ماسەلەلەرى؛

7. قازىرگى قازاقستانداعى ەتنيكالىق جانە ەتنومادەني پروسەستەر؛

8.موڭعولياداعى قازاق دياسپوراسىنىڭ تاريحى.

ەڭبەكتەر جيناعى «تاريح» عىلىمى بويىنشا زەرتتەۋ جۇمىستارمەن اينالىساتىن ستۋدەنتتەرگە، ماگيسترانتتارعا، PhD دوكتورانتتارعا، وقىتۋشىلارعا ارنالعان.