جەر رەفورماسى بويىنشا رەسپۋبليكالىق كوميسسيانىڭ وتىرىسىندا كوميسسيا ءتوراعاسى باقىتجان ساعىنتايەۆ جەر ساتۋ ول ءبىر عانا اكىمنىڭ، نە ءبىر ادامنىڭ قولىندا بولماۋى كەرەكتىگىن مالىمدەدى، - دەپ حابارلايدى Qamshy.kz..

«بۇگىنگى وتىرىستا نەگىزگى ايتىلعان ماسەلە  جەر ساتىلماسىن دەگەن ۇسىنىس. ەكىنشىدەن، ساتىلسا قالاي ساتىلادى دەگەن ۇسىنىس ايتىلدى. وسى توڭىرەكتە وي-پىكىرلەر ايتىلدى. مۇنىڭ ءبارى ءبىر جۇيەگە كەلتىرىلەدى. سوسىن ول ۇسىنىستاردىڭ بارلىعى بۇگىن قۇرىلعان جۇمىس  توپتارىندا جۇيەلى تۇردە تالقىلانادى »، - دەدى ب. ساعىنتايەۆ.

سونىمەن قاتار، كوميسسيا ءتوراعاسى جەر ساتىلعان جاعدايدا ونىڭ ساتىلۋ ۇدەرىسى ەگجەي-تەگجەيلى تالقىلانۋى كەرەكتىگىن باسا ايتتى. «جەردى كىم ساتادى؟ ول قانداي جەردى ساتادى؟ قانشا كولەمدە ساتىلادى؟ وسىنىڭ ءبارىن مۇقيات تالقىلاۋعا ءتيىسپىز. جالعىز ءبىر اكىمنىڭ قولىنا وسىنىڭ ءبارىن بەرسەك، حالىقتى ول دا تولعاندىرادى. ونى قوعاممەن كەلىسۋ كەرەك»، - دەدى ب. ساعىنتايەۆ.