ءىىم نارازىلىق اكسياسىنا شىعىپ ۇستالعاندار تۋرالى مالىمدەمە جاسادى، - دەپ حابارلايدى Qamshy.kz قازاقپاراتقا سىلتەمە جاساپ.

ق ر ءىىم اكىمشىلىك پوليسيا كوميتەتىنىڭ ءتوراعاسى يگور لەپەxا زاڭسىز ميتينگ ۇيىمداستىرماق بولعان ادامداردىڭ ۇستالعاندىعى تۋرالى مالىمدەمە جاسادى. 

ونىڭ ايتۋىنشا، استانادا ميتينگتى ۇيىمداستىرۋعا تىرىسقان ءبىر توپ ازامات ۇستالعان.

«ءبىز ميتينگتى بولدىرماۋ ءۇشىن جۇمىس ىستەدىك. دەگەنمەن بۇگىن ءبىر توپ ازامات زاڭسىز ميتينگ ۇيىمداستىرۋعا جانە وتكىزۋگە تىرىستى. سوندىقتان ءبىزدىڭ قىزمەتكەرلەر ولاردى قۇرىقتادى. كەيىن ولاردىڭ تۇلعالارى انىقتالىپ، نە ءۇشىن كەلگەندەرى بەلگىلى بولعان سوڭ، ولار بوساتىلدى، - دەدى ي. لەپەxا. - بۇگىنگى ۋاقىت بويىنشا ايتارىم، بۇل وتە قىسقا ۋاقىتتا ءوتتى. سوندىقتان ناقتى ساندار كەلتىرە المايمىن. وسى جاعدايدى سارالاپ جاتىرمىز. ءبىر انىعى ەلدە زاڭسىز ميتينگىلەر تىركەلگەن جوق، پوليسيامەن قاقتىعىستار ورىن المادى، قوعامدىق ءتارتىپتى بۇزۋعا جول بەرىلمەدى. كەيىنىرەك تولىققاندى اقپارات بولادى».

ونىڭ ءسوزى بويىنشا، استانادا «بايتەرەكتىڭ» ماڭىندا ميتينگ وتكىزۋ ءۇشىن ءوتىنىش بەرىلگەن. دەگەنمەن قالا باسشىلىعى وعان رۇقسات بەرمەدى. سوندىقتان ميتينگىلەر، شەرۋلەر زاڭسىز دەپ تانىلىپ وتىر. 

سونىمەن قاتار ول الماتىدا ميتينگ ۇيىمداستىرماق بولعان ازاماتتارعا قاتىستى دا تۇسىنىكتەمە بەردى. 
«الماتىدا زاڭسىز ميتينگ بولعان جوق. جينالماق بولدى، ءبىراق ونىڭ دا الدىن الدىق. وندا ادامدار وتە از بولدى. ناقتى ايتا المايمىن، ءبىراق شامامەن 20-30 جينالىپتى. ءبىراق ولاردىڭ كوبى ميتينگ ءوتىپ جاتقاندىعىن، ونىڭ زاڭسىز ەكەندىگىن دە بىلمەگەن، ءجاي عانا كورۋگە، تىڭداۋعا كەلگەن. ولاردىڭ بارلىعى جىبەرىلدى»، - دەدى ي. لەپەxا.