“گاككۋ” ارناسىنىڭ كونتەنتىن باقىلاپ وتىرۋ قاجەت"، - دەدى مەملەكەت جانە قوعام قايراتكەرى مىرزاتاي جولداسبەكوۆ.
«مەنىڭ جىنىمدى كەلتىرەتىن ءبىر نارسە، «گاككۋ» دەيتىن كانال بار. اتىنان ساداعا كەتسىن! گاككۋ دەگەن ارمانىمىز عوي ءبارىمىزدىڭ. سولاي ەمەس پە؟ ال ەندى وسىندا ىلعي ءبىر جالباڭداعان سايتان، جالاڭاش…مەن ويلايمىن، ءبىزدىڭ مادەنيەت مينيسترلىگى…انەۋكۇنى اۋىل شارۋاشىلىعى ءمينيسترىن نەگە الىپ تاستادى؟ (پرەزيدەنت – اۆت.) دۇرىس ايتتى عوي، سەن اۋىل شارۋاشىلىعى سالاسىندا مەملەكەتتىڭ ساياساتىن جاسايتىن ادام ەمەسسىڭ بە دەپ. ءبىزدىڭ مادەنيەت مينيسترلىگىمىز نەگە ءبۇيتىپ كورسەتىپ جاتسىڭدار دەپ وتىرماۋى قاجەت»، – دەدى جولداسبەكوۆ مادەنيەت جانە سپورت ءمينيسترىنىڭ قوعامدىق كەڭەس الدىنداعى ەسەپ بەرۋ كەزدەسۋى كەزىندە.
وسى ورايدا ەل اعاسى قازاق جىگىتتەرىنىڭ كيىم كيىسىنە دە ءمىن تاقتى.
«كۇلكى تەاترلارىندا ءبىزدىڭ قازاق جىگىتتەرى ايەلدىڭ كيىمىن كيىپ الىپ، ىرجاڭداسا، جۇرتتىڭ ءبارى كۇلەدى. ولمەي مە ودان دا؟ نامىس جوق! وسىنىڭ كوزىن قۇرتۋ قاجەت. كورسەتپەۋ كەرەك. ايەل ادام ايەل بولىپ شىعۋ كەرەك. ەركەك ادام ەركەك بولىپ شىعۋ كەرەك. نامىس جوق. مەن كەيدە قايران قالام»، – دەيدى اكادەميك.
سونداي-اق، جولداسبەكوۆ “بارىس” حوككەيشىلەرىن دە سىنعا الدى.
«قازىرگى كەزدە ەلىمىزدە نەشە ءتۇرلى ستاديوندار مەن سپورت سارايلارى سالىنىپ جاتىر. «بارىس» كومانداسى ءۇشىن ارنايى مۇز ارەناسى سالىندى. مەن ءوزىم ونى جاقسى كورۋشى ەدىم. سوڭعى كەزدە ءيتتىڭ ەتىنەن جەك كورىپ كەتتىم. نامىس جوق! ەشقانداي پاتريوتتىق سەزىمى جوق! قۇدايعا تاۋبە، سەرىكتەر (ساپييەۆ – اۆت.) حالقىمىزدان شىقتى عوي. سولاردى الىپ كەلەيىك. جاقسىلىق اعالارىڭ (ۇشكەمپىروۆ – اۆت) قايدان شىقتى؟ ءوزىمىزدىڭ اۋىلدان شىعىپ، حالىقتىڭ، ۇلتتىڭ مەرەيىن ءوسىردى. بىزدە بوكس، كۇرەس، زىلتەمىر كوتەرۋ جاعىنان ەلدەن ۇيالمايتىن ۇلكەن تابىستارىمىز بار. ال انالاردى (حوككەيدەگى شەت ەلدىڭ ازاماتتارىن – اۆت.) كوپ تايراڭداتپاۋ قاجەت. انەۋكۇنى عالامتوردا ءبىر ازامات جازدى، قايدان بۇلار ورىنعا تالاسادى، نامىس جوق ولاردا، سەبەبى وزگە ەلدىڭ ازاماتتارى. ىشىندە رەسەي، كانادا، امەريكا ازاماتتارى بار. سولاردى جاقسى كورۋشى ەدىم، كەشە ءيتتىڭ ەتىنەن جەك كورىپ كەتتىم. جىگەرسىز…بىلمەيمىن، ءبىر ماس…ءبىر دارىمەن ۋلاعان ادام سياقتى بولىپ كەتتى»، – دەيدى مىرزاتاي جولداسبەكوۆ.
ونىڭ ايتۋىنشا، ول شايبالى حوككەيدەن قازاقستان قۇراماسىنىڭ ويىندارىن قالت جىبەرمەي، تۇنىمەن ۇيىقتاماي شىعادى.
ايتا كەتەيىك، ماسكەۋ مەن سانكت-پەتەربوردا وتكەن شايبالى حوككەيدەن الەم چەمپيوناتىندا قازاقستان قۇراماسى ءوز توبىندا ءبىر-اق رەت جەڭىپ، قالعان ويىنداردا ۇتىلعان بولاتىن. ءسويتىپ، قايتادان ەليتالىق ديەۆيزيوننان ۇشىپ كەتتى. قۇراماداعى حوككەيشىلەردىڭ باسىم بولىگى – «بارىستىڭ» ويىنشىلارى.
