قازاقستان ساۋد ارابياسىنان "شەيح حاليل" دەگەن اتپەن تانىمال بولعان ءابدۋحاليل ءابدۋجاپپاروۆتى ەكستراديسيالاماقشى، - دەپ حابارلايدى Qamshy.kz Tengrinews.kz-كە سىلتەمە جاساپ.

بۇل تۋرالى "فەرگانا.رۋ" اقپاراتتىق اگەنتتىگى حابارلاعان. باسىلىمنىڭ مالىمەتىنشە، استانا ءابدۋجاپپاروۆتى قازاقستاندا، اسىرەسە ەلدىڭ باتىسىندا رۇقسات ەتىلمەگەن ءدىندى تاراتتى دەپ ايىپتاپ وتىر.

"بەيرەسمي مالىمەتتەرگە سۇيەنسەك، "شەيح حاليل" مەدينەدە قازاقستاننىڭ تاعى بەس ازاماتىمەن بىرگە 2015 جىلدىڭ 20 جەلتوقسانىندا ۇستالىپتى. ولاردىڭ ناقتى نە سەبەپپەن قاماۋعا الىنعانى بەلگىسىز. دەگەنمەن قازاقستان ۇقك جاقىن كۇندەرى ءابدۋجاپپاروۆتىڭ تۋىستارىنا حابارلاسىپ، ونى جاقىن ارادا ەلگە قايتاراتىندارىن حابارلاعان. سونىمەن قاتار، ولار تۋىستارىنان ءابدۋجاپپاروۆقا قاتىستى "ءۋاححابيزمدى ناسيحاتتادى" دەگەن كۋالىك بەرۋلەرىن سۇراپتى"، - دەلىنگەن باسىلىمدا.

اگەنتتىك وكىلدەرى ءابدۋجاپپاروۆتىڭ "قازاقستاندىق جاستاردىڭ اراسىندا تانىمال" بولعانىن ايتادى.

ءابدۋحاليل ءابدۋجاپپاروۆ 1975 جىلى وقو سايرام اۋدانىندا دۇنيەگە كەلگەن. يسلام ءدىنىن وبلىستاعى مەشىتتەردىڭ بىرىنەن وقىپتى. 1999 جىلى يسلامبادتاعى ۋنيۆەرسيتەتتەردىڭ ءبىرىن بىتىرەدى. قازاقستانعا ورالعاننان كەيىن ول شىمكەنتتەگى قازاق-كۋۆەيت ۋنيۆەرسيتەتىندە ساباق بەرگەن. 

كەيىن اتىراۋدا، ودان سوڭ ورال قالاسىنا كوشەدى. سول وڭىرلەردە ول ءسالافيت يدەيالارىن ناسيحاتتاۋمەن اينالىسقان.