ق ر ءىىم رۇقسات ەتىلمەگەن ميتينگكە شىققانداردىڭ ءدال سانىن اتاۋ قيىن ەكەندىگىن جەتكىزدى، ، - دەپ حابارلايدى Qamshy.kz
«ادامداردىڭ ۇستالۋ وقيعاسى وتكەنىنە از ۋاقىت ءوتتى، سول سەبەپتى مەن ءقازىر انىق سانىن ايتا المايمىن، ءبىز ءقازىر جاعدايدى ساراپتاپ جاتىرمىز. ءبىر عانا نارسە ايتا الامىن، ەلىمىزدە رۇقسات ەتىلمەگەن ميتينگتەر ورىن العان جوق، پوليسەيلەرمەن قاقتىعىستار بولعان جوق، قوعامدىق ءتارتىپتى بۇزۋ فاكتىلەرىنە جول بەرىلگەن جوق. تولىق اقپارات كەيىنىرەك بەرىلەدى»، - دەدى ق ر ءىىم اكىمشىلىك پوليسيا قىزمەتىنىڭ ءتوراعاسى يگور لەپەحا.
سونىمەن قاتار، اكىمشىلىك پوليسيا كوميتەتىنىڭ ءتوراعاسى قۇقىق قورعاۋ ورگاندارىنىڭ الدىن-الا جۇمىس ىستەگەنىن، رۇقسات ەتىلمەگەن ميتينگكە جول بەرمەۋ ءۇشىن ازاماتتارعا ءتۇسىندىرۋ جۇمىستارى جۇرگىزىلگەنىن اتاپ ءوتتى.
الايدا، كوميتەت ءتوراعاسىنىڭ ايتۋىنشا، سەنبى كۇنى ءبىر توپ ازامات رۇقسات ەتىلمەگەن ميتينگتى وتكىزۋگە ۇيىمداسقان.
«وسىعان بايلانىستى ءبىزدىڭ قىزمەتكەرلەر ولاردى ۇستادى. جەكە باسقا قاتىستى مالەمەتتەر مەن ماقساتتارىن بىلگەن سوڭ، ولاردى بوساتتى. ءيا، ولاردىڭ اراسىندا جۋرناليستەر دە بار، ءبىراق مەن مۇنىڭ بايقاۋسىزدا ورىن العان جاعداي ەكەنىنە سەنەم. ءجاي عانا تۇسىنبەۋشىلىك بولدى»، - دەدى يگور لەپەحا.
ونىڭ ايتۋىنشا، قازاقستاننىڭ وڭتۇستىك استاناسىندا دا رۇقسات ەتىلمەگەن ميتينگ بولعان جوق.
«جينالۋعا ارەكەت جاسالىندى، ءبىراق ونىڭ دا الدى الىندى. مۇندا ادامداردىڭ سانى شامالى عانا بولدى. ناقتى ايتا المايمىن، شامامەن 20-30 ادام. ولاردىڭ باسىم بولىگى قاراپايىم ادامدار، ميتينگتىڭ بولاتىنىن، وعان رۇقسات ەتىلمەگەنىن كوپشىلىگى بىلمەگەن. ءجاي عانا كورگىسى-تىڭداعىسى كەلگەن»، - دەپ اتاپ ءوتتى يگور لەپەحا.
