بۇرىنعى مما چەمپيونى اموكران سابە ەكى جىلعا جۋىق بادۋنگ وكرۋگىنداعى بالي ارالىندا ۆيللادا تۇردى. قاھارلى سپورتشى اينالاسىن قوقىنىشتا ۇستاپ، شىنىققان قىلمىسكەردەي مىنەز تانىتقان. ول جەرگىلىكتى مەكتەپتەردە ەشقاشان شوت تولەگەن ەمەس.  پولسيا باستىعى وعان بولىمشەگە بارۋعا ءماجبۇر ەكەنىن ەسكەرتكەندە، سابە وعان فيزيكالىق زورلىق كورسەتكەن. جەرگىلىكتى تۇرعىندار شەتەلدىك ءبۋيننىڭ ناداندىعىنان زارداپ شەگىپ كەلگەن. ول كوشەدە ءجاي عانا كەلە جاتقان ەرلى-زايىپتىلاردىڭ ەرىنە نازار اۋدارماستان ايەلىنە قورلىق جاسايتىن بولعان. سپورتشى ءوزىنىڭ جەكە ۇستەمدىگىن ايتارلىقتاي پايدالانعان. سونىڭ كەسىرىنەن كوپتەگەن تۋريستەر مەن كورشىلەرى قاۋىپ-قاتەرگە كەز بولادى.

پوليسەيلەر ونى ۇزاق ۋاقىت قولعا تۇسىرە المادى جانە ونىڭ ۆيزاسىنىڭ ۋاقىتى بىتكەنىن كۇتكەن. دەپورتاسيا تۋرالى شەشىم قابىلدانىپ، سپورتشىنى قۇرىقتاۋعا كوشى-قون پويسياسىنىڭ كۇشەيتىلگەن ناريادىنىڭ قىزمەتكەرلەرى قاتىستى.

قۇقىق قورعاۋ ورگاندارىنىڭ قىزمەتكەرلەرىن سپورتشىنىڭ ۇيىندە ناعىز قاندى وقيعا كۇتىپ تۇرعان ەدى. سابە ءتىپتى كەلۋشىلەرگە دە قۇلاق اسپادى. ول كوشەگە پىشاق الا جۇگىردى. پوليسەيلەردىڭ اۋاعا وق اتۋ ەسكەرتۋى ناتيجە بەرمەگەن سوڭ،  قاۋىپسىزدىك كۇشتەرى وق جاۋدىردى.

ءبىراق بۇل فرانسۋزدى توقتاتا المادى. ول كۋاگەرلەردىڭ كوزىنە جىن كىرگەندەي كورىندى. تەك 20 وق جاۋدىرعاننان كەيىن عانا توقتاپ، جانى شىقتى.

جەرگىلىگتى ب ا ق اتاپ كەتكەندەي، كۋرورتتى اۋدان ونى فرانسۋز جىنى دەپ كوپكە دەيىن ەستە ساقتادى.