شىمكەنتتەگى قوعامدىق اۆتوبۋس جۇرگىزۋشىلەرى جولاۋشىعا تالاسىپ، جاپپاي جارىس ۇيىمداستىرۋدى قويىپ، ەندى كوپشىلىكتى جاڭا قىرىمەن تاڭ قالدىردى. ولار اۆتوبۋستى دوڭگەلەكسىز جۇرگىزۋگە كوشىپتى، - دەپ حابارلايدى Qamshy.kz korrespondent.kz – كە سىلتەمە جاساپ.

جاقىندا عالامتوردا دوڭگەلەگىنىڭ رەزەڭكەسى شىققان قالالىق جولاۋشىلار اۆتوبۋسىنىڭ جولدا كەتىپ بارا جاتقان ۆيدەوسى پايدا بولدى. بۇل كورىنىس جەلى قولدانۋشىلارىنىڭ جاعاسىن  ۇستاتتى. تاعى ءبىر اتاپ وتەرلىگى، شىمكەنتتىك قوعامدىق كولىكتەردەگى وقىس وقيعالار مۇنىمەن شەكتەلمەك ەمەس. ويلاماعان جەردەن ەدەنى ءتۇسىپ كەتىپ، سالدارىنان جولاۋشى اياعىن ەكى جەردەن سىندىرىپ العان جايت تا ورىن العان. بۇل دا الەۋمەتتىك جەلىلەردە قىزۋ تالقىلاندى. بەلگىلى بولعانداي، زارداپ شەككەن كەلىنشەك ەندى كولىك كومپانياسىن سوتقا بەرمەكشى.