كەشە، 23 مامىردا شەكاراشى، مايور ماقسات رىسداۋلەتوۆ تۇسكى استان كەلە جاتىپ، جول بويىنداعى كوپ قاباتتى ءۇيدىڭ ءتورتىنشى قاباتىنان شىعىپ جاتقان ءورتتى بايقايدى. ءتۇتىن اراسىنان  تەرەزەنى ۇرعىلاپ تۇرعان ەكى كىشكەنتاي - ءبىر قىز بەن ءبىر ەر بالانى دا اڭعارادى، دەپ حابارلايدى Qamshy.kz قازاقپاراتقا سىلتەمە جاساپ. 

ويلانۋعا ۋاقىت جوق، شەكاراشى جۇگىرىپ ءتورتىنشى قاباتقا كوتەرىلدى. كەلسە ەسىك جابىق. ارى-بەرى جۇلقىلاپ كورىپ ەدى، ەسىكتىڭ اشىلار ءتۇرى بايقالمايدى. امالسىزدان كورشىلەردىڭ ەسىگىن قاعىپ شىقتى. ەسىگىن اشقان ءبىر كورشىگە ءورت بولىپ جاتقاندىعىن، ەسىكتىڭ اشىلماي تۇرعاندىعىن، ءورت ىشىندە ەكى بالانىڭ قالعاندىعىن، مۇمكىن بولسا بالكون ارقىلى وتكىسى كەلەتىندىگىن ايتادى. مۇنداي كەزدە كىم قارسى بولسىن، كورشى كەلىسىمىن بەرىسىمەن، شەكاراشى وفيسەر بالكون ارقىلى ءوتىپ، ءورتتىڭ اراسىنان بالالاردى ىزدەپ تاۋىپ، ولاردى بالكونعا الىپ شىقتى. ءسويتتى دە ءوزى ءورت ماشيناسى كەلگەنشە ءتىلسىز جاۋدى وشىرۋگە كىرىستى.

ارادا ءسۇت پىسىرىمدەي ۋاقىت وتكەندە بالالاردىڭ اناسى دا كەلىپ، ەسىكتى اشتى. امان-ساۋ وتىرعان بالالارىن كورگەندە اناسىنىڭ قۋانىشىندا شەك بولمادى. شەكاراشى وفيسەرگە العىس جاۋدىردى، - دەپ حابارلايدىقر ۇقك شق باسپا ءسوز قىزمەتى