وڭتۇستىك قازاقستان وبلىسىندا جوعالىپ، ءمايىتى تابىلعان 17 جاسار ايگەرىم وسپانبەكوۆانىڭ ولىمىنە كۇدىكتى ۇستالدى، - دەپ حابارلايدى Qamshy.kz Otyrar.kz –كە سىلتەمە جاساپ.
سارىاعاش اۋدانىنىڭ پروكۋرورى نۇرعالي اسقانبەكوۆتىڭ مالىمەتىنشە، قىزدىڭ ولىمىنە كۇدىكتى رەتىندە 1990 جىلى تۋىلعان جىگىت ۇستالدى. مايىتتە زورلىق-زومبىلىق بەلگىلەرى بار. ۇستالعان جىگىتتىڭ ۇستىنەن كىسى ءولتىرۋ بويىنشا قىلمىستىق ءىس قوزعالدى. ءقىزىر سوتقا دەيىنگى تەرگەۋ جۇرگىزىلۋدە.
ەستەرىڭىزگە سالا كەتەيىك، شىمكەنتتە وقيتىن ستۋدەنت 10 مامىر كۇنى جوعالىپ كەتىپ، ءمايىتى تابىلعان بولاتىن. ول سارىاعاش اۋدانىنان شىمكەنت قالاسىنا تاكسيگە وتىرىپ، سودان حابارسىز كەتكەن. ءا. وسپانبەكوۆانى ىزدەۋگە تۋىستارى مەن دوستارى، ەرىكتىلەر، اۋىلداستارى دا جۇمىلدىرىلدى.
