پەتروپاۆلدا اۋكسيون ارقىلى بوكسشى جانات جاقيانوۆتىڭ قولعابى مەن الەكساندر ۆينوكۋروۆتىڭ جەيدەسى ساۋداعا ءتۇستى، - دەپ حابارلايدى Qamshy.kz كتك ارناسىنا سىلتەمە جاساپ.

بىلعارى قولعاپ 250 مىڭعا، ال وليمپيادا چەمپيونى كيگەن فۋتبولكا 500 مىڭ تەڭگەگە وتكەن. ەرەكەشە ۇيىمداستىرىلعان ءباس ساۋدا قايىرىمدىلىق كەرۋەنى شەڭبەرىندە جۇزەگە اسىرىلدى. ەندى، قوس سپورتشىنىڭ زاتتارىنان تۇسكەن قاراجات سىرقاتقا شالدىققان بالالارعا جۇمسالماق.

اۋكسيون تۇرىندەگى قايىرىمدىلىق شارا پەتروپاۆلدا تۇڭعىش رەت وتكىزىلىپ وتىر. ءباس ساۋدا بارىسىندا قازاقتىڭ قارا جورعاسى مەن جۇپتىق بي دە ورىندالدى. وندا ۇلتتىق ناقىشتا ءبىر كەلكى كوستيۋم كيىنگەن بيشىلەر جۇرتتىڭ تاڭدانىسىن تۋدىردى.

ديليارا سابىروۆا، حورەوگراف:

ء-بىز قايىرىمدى جانداردى ىزدەۋگە ءماجبۇر بولدىق. اتاپ ايتقاندا، ۇيلەنۋ سالوندارىن ارالادىق. سونىڭ ناتيجەسىندە ەڭ ادەمى 40كويلەكتى تەگىن الدىق. 

قايىرىمدىلىق شاراسىنا قاتىسقان بيشىلەردىڭ 40 جۇبى بۇعان جارتى جىل دايىندالعان ەكەن. ءتىپتى، قىزدار كاستينگ ارقىلى ىرىكتەلىپ الىنعان. ولارمەن بيگە شىققان ۇلدار اسكەري وقۋ ورنىنىڭ كۋرسانتتارى. سوندىقتان ولارعا كيىم جاعىنان ەشقانداي قيىندىق بولماعان كورىنەدى. اۋكسيونعا ۇلاسقان شارادا ۆەلوشاباندوز الەكساندر ۆينوكۋروۆتىڭ جەيدەسى مەن ايگىلى بوكسشى جانات جاقيانوۆتىڭ قولعابى ساتىلىمعا شىعارىلدى.

اسەمگۇل ەسقوجا، ۇيىمداستىرۋشى:

ء-بىز الەكساندر ۆينوكۋروۆتىڭ اتا- اناسىنا حابارلاستىق. ولار، بىزگە سپورتشى ۇلدارىنىڭ كيمىن جەتكىزىپ بەردى. ال، جانات جاقيانوۆتىڭ ءوزى بىلعارى قولعابىن ۇسىندى.

ءباس ساۋدا شەڭبەرىندە بوكسشىنىڭ قولعابى 250 مىڭعا، ال ۆەلوشاباندوزدىڭ جەيدەسى بۇل باعادان ەكى ەسە قىمباتقا ساتىلدى.

سىرقاتقا شالدىققان ءۇش بالانىڭ ەم-دومى ءۇشىن ۇيىمداستىرىلعان اۋكسيوننان، جالپى 2 ملن تەڭگە تابىس ءتۇستى. وعان قاتىسۋشىلار جالعىز قوعاپ پەن جەيدەنى عانا ەمەس، كارتينكالاردى دا قىمبات باعاعا ساتىپ العان. ءتىپتى قەيبىرەۋى قوماقتى قاراجات جۇمساعانىمەن زاتتارىن الماي كەتىپتى.