رەسەي فۋتبول قۇراماسىنىڭ بۇرىنعى كاپيتانى اندرەي ارشاۆين 29 مامىردا 35 جاسقا تولادى. ءقازىر «قايرات» كومانداسىنىڭ قۇرامىنداي ويىن كورسەتەتىن ءارشاۆيننىڭ جەكە ءومىرى كوپشىلىكتى قاشاندا قىزىقتىرعان.

ارشاۆين قازاقستاندىق «قايرات» كومانداسىنىڭ قۇرامىنا قوسىلعان ءۇش ايدىڭ ىشىندە قارسىلاستىڭ قاقپاسىنا بار-جوعى ءبىر عانا گول سوققان. كوماندالاس ارىپتەستەرى  ونىڭ جالاعىسى وزدەرىنەن الدەقايدا جوعارى ەكەنىن تالقىلاپ، قالجىڭداسادى.  ولار وزدەرىنە قاراعاندا ءارشاۆيننىڭ ايلىعىن اقشا ساناعىش قۇرالدىڭ ءوزى بىرنەشە مينۋتقا ۇزاق سانايتىنىن ايتادى. دەگەنمەن «قايراتتىقتار» ءارشاۆيندى كومانداعا جىلى قابىلداعان.

«ءبىز تەز-اق دوستاسىپ كەتتىك، - دەيدى «قايراتتىڭ» قورعاۋشىسى تيمۋر رۋدوسەلسكيي. اندرەي قارىم-قاتىناسقا وتە قاراپايىم، ءازىلدى جاقسى سەزىنەدى، جيناقى، ويلى جىگىت. وكىنىشكە وراي، بىزدە بىرلەسكەن دەمالىس ۋاقىتى بولا بەرمەيدى. كوبىنە تەك فۋتبول الاڭىندا كەزدەسەمىز. ول ماعان ەسكى دوستارشا الدىڭا ماقسات قويىپ، سول نارسەگە جەتۋ ءۇشىن  ءاردايىم جاتتىعۋدا بولۋ كەرەك دەپ كەڭەس بەرەدى. كەيدە بىرگە كەشكى اس ىشەمىز. مەن ۇيلەنگەنمىن، ونىڭ سۇيىكتىسى جاقىندا كەلەدى، سول كەزدە مەيرامحانادا جاقسى كەش ۇيىمداستىرامىز»، - دەيدى.

ءارشاۆيندى كوپشىلىك الماتىداعى ەڭ تانىمال ساۋدا ورتالىعى Essentai Mall-مەن قالا ورتالىعىنداعى Union بارىنان، ارتىستەردىڭ كونسەرتتەرى مەن ديدجەي-سەتتەردەن جانە فۋتبول ماچتارىن ترانسلياسيالايتىن ورىنداردان ءجيى كەزدەستىرىپ جاتادى. ال ءفۋتبوليستتىڭ دەنساۋلىعىن ORHUN MEDICAL دياگنوستيكالىق ورتالىعىنىڭ ەڭ تاڭداۋلى دارىگەرى ماكسيم گالۋشكين ۇنەمى باقىلاۋدا ۇستايدى.

ءارشاۆيننىڭ سۇيىكتىسى 34 جاستاعى اليسا كازمينا قازاقستانعا ءساۋىر ايىنىڭ سوڭىندا كەلۋدى جوسپارلاعان. ءبىراق ونىڭ وتباسى وقۋ جىلىنىڭ اياقتالۋىن كۇتكەن. ويتكەنى كازمينانىڭ قىزى ءالى مەكتەپ قابىرعاسىندا وقيدى. اندرەي ارشاۆين عاشىعى مەن ونىڭ بالالارىن كۇتىپ الۋعا جاقسى جاعداي جاساپ جاتىر.

ارشاۆين عاشىعىنىڭ كەلۋىنە وراي  Esentai تۇرعىن ءۇي كەشەنىنىڭ ەڭ سوڭعى (جوعارعى) قاباتىندا ورنالاسقان ەڭ قىمبات پاتەردى جالداعان. ەكى جاتىن بولمەسى بار بۇل قىمبات پاتەردى كەزىندە ونىڭ ارىپتەسى اناتوليي تيموششۋك تە جالداعان. جيھازدارى مينيماليزم ستيلىندە جايعاستىرىلعان پاتەردىڭ تازالىعى مەن كىر جۋۋ قىزمەتتەرىنىڭ ءبارى ساپالى ۇيىمداستىرىلعان.

ارشاۆين مەرەيتويىن الماتىدا عاشىعىمەن بىرگە ارىپتەستەرىنىڭ باسىن قوسىپ وتكىزبەك.

«ءبىزدىڭ كوماندانىڭ ءوز ءداستۇرى بار. ءار ويىنشى تۋعان كۇنىندە تورت اكەلىپ، ءشاي ءىشىپ اتاپ وتەمىز» ، - دەيدى تيمۋر رۋدولسەلسكيي.

بۇل مەرەكەلىك كەشكە اندرەيدىڭ بۇرىنعى ايەلى، تەلەجۇرگىزۋشى يۋليا بارانوۆسكايادان تۋعان بالالارى يانا، ارتەم جانە ارسەنيا قاتىسپايدى. فۋتبوليست  بۇرىنعى وتباسىمەن قارىم-قاتىناسىن ءبىرجولا ۇزگەن. ءتىپتى ءساۋىر ايىندا 8 جاسقا تولعان ورتانشى قىزى يانانى تۋعان كۇنىمەن قۇتتىقتاماپتى.

«اندرەي ارشاۆين بۇرىنعى ايەلى مەن بالالارىنىڭ الدىنداعى قارىزىن تولەپ قۇتىلعان. 8 ميلليون رۋبلگە جۋىق اقشا بەرگەن. ءبىر-بىرىنىڭ ومىرىنە كەدەرگى ەتپەي ءۇشىن بالا-شاعاسىمەن، بۇرىنعى ايەلىمەن قاتىناستى تولىق ءۇزدى. دەگەنمەن، يۋليا بالالارىمەن تەڭىزگە بارىپ دەمالعىسى كەلگەندە، ارشاۆين ولارعا شەتەلگە شىعۋعا رۇقسات بەرمەدى»، - دەيدى ادۆوكات اندرەي تىندىك.