مۇسىلمان كاپىر بولماس قىستاعاننان،
ءدىن نەگىزى قالانعان بەس تاعاننان:
يمان ەتىپ اللاعا شىن نيەتپەن
ورازاڭ قابىل بولسىن ۇستاعان جان!
جۇماققا جەتەر جولدى قىسقا قىلعان،
ىشكى-سىرتقى تازالىق نۇسقا قىلعان.
كۇپىرلىككە بەرىلمەي ناماز وقىپ
ورازاڭ قابىل بولسىن ۇستاعان جان!
الۋان ءتۇرلى ءناپسىنىڭ قىسپاعىنان،
سۇلۋدان، اشىق-شاشىق پۇشپاعىنان،
وسەك-اياڭ، ىشىپ-جەم شورت تيىلىپ
ورازاڭ قابىل بولسىن ۇستاعان جان!
ۇمىتتەنىپ بەيىشتىڭ ۇشپاعىنان،
جومارت جاندى وزىنە ۇستا قىلعان.
جوق-جىتىككە قاراسىپ، زەكەت بەرىپ
ورازاڭ قابىل بولسىن ۇستاعان جان!
الماق تۇگىل حارامدى باسپاعان جان،
بۇيرىعىنان اللانىڭ اسپاعان جان.
ارمانداپ مەككە بارىپ قاجى وتەۋدى
ورازاڭ قابىل بولسىن ۇستاعان جان!!!
نۇرباقىت بايراحمەت ۇلى
06.06.2016
