تانىمال پروديۋسەر بايان ەسەنتايەۆانىڭ كۇيەۋى باقىتبەك ەسەنتايەۆ قاماۋعا الىندى، - دەپ حابارلايدى Qamshy.kz.

پوليسيا وعان ق ر قك-نىڭ 106-بابى (دەنساۋلىققا قاساقانا اۋىر زيان كەلتىرۋ) بويىنشا ايىپ تاققان. 72 ساعات ىشىندە وعان سوت بۇلتارتپاۋ شاراسىن بەلگىلەيتىن بولادى.

باقىتبەك ەسەنتايەۆتىڭ كىناسى دالەلدەنسە، قىلمىستىق كودەكستىڭ اتالعان بابىندا ءۇش جىلدان جەتى جىلعا دەيىن باس بوستاندىعىن شەكتەۋ نەمەسە باس بوستاندىعىنان ايىرۋ جازاسى كوزدەلگەن.

كۋاگەرلەر وقىس وقيعانىڭ كەشە ساعات كۇندىزگى وندار ششاماسىندا الماتى وبلىسىنداعى قۇلجا تاسجولىنىڭ بويىندا بولعانىن ايتادى. ولار جول بويىندا بەلگىسىز ازامات ءبىر كەلىنشەكتى سوققىعا جىققانىن، كەيىن ەكەۋىنىڭ كولىكپەن بەلگىسىز باعىتتا كەتىپ قالعانىن ايتقان.

كەيىن بايان ەسەنتايەۆانىڭ تالعارداعى ورتالىق اۋرۋحاناعا جەتكىزىلگەنىبەلگىلى بولدى. دارىگەرلەر پروديۋسەردىڭ دەنساۋلىعى اۋىر بوشلعانىمەن قالىپتى دەپ وتىر. ب. ەسەنتايەۆانىڭ باس سۇيەك-مي جاراقاتىن العانى، سونداي-اق  مۇرنى سىنعان، پىشاق جاراقاتىن العان. ءقازىر ءتيىستى وتا جاسالىپ، جانساقتاۋ بولىمىندە ەم قابىلداپ جاتىر.

پروديۋسەردىڭ كۇيەۋى بۇعان دەيىن كازينوداعى توبەلەسكە بايلانىستى باسى داۋعا قالعان بولاتىن. 

بايان ەسەنتايەۆا 1974 جىلى 9 قاڭتاردا دۇنيەگە كەلگەن. پروديۋسەر، ءانشى، اكتريسا، تەلەجۇرگىزۋشى. Shine Production پروديۋسەرلىك كومپانياسىنىڭ باسشىسى.